យុវតីម្នាក់ដែលត្រូវអ្នកលេងអ៉ីនធើណេតចំអក ព្រោះតែរឿងហៅកាបូប Charles & Keith តម្លៃ៨០ដុល្លារជារបស់ប្រណីត ពេលនេះត្រូវបានតែងតាំងជាទូតសុឆន្ទៈ
- BY
- Naren
- March 6, 2023
(ម៉ានីល)៖ យុវតីហ្វីលីពីន Zoe Gabriel ដែលរស់នៅប្រទេសសិង្ហបុរី ដែលមហាជនច្បាស់ជាជ្រាបថានាងត្រូវបានអ្នកលេងអ៉ីនធើណេតមួយចំនួនចំអករូបនាង ព្រោះតែនាងហៅកាបូប Charles & Keith តម្លៃ៨០ដុល្លារ ជារបស់ប្រណីត ពេលនេះក្លាយជា brand community ambassador របស់ប្រេនCharles & Keith នេះផ្ទាល់តែម្តង។
នៅលើ Instagram កាលពីថ្ងៃសៅរ៍ យុវតីអាយុ១៧ឆ្នាំរូបនេះ បានចែករំលែករូបថតរបស់នាងដែលស្ថិតនៅជាផ្នែកមួយនៃយុទ្ធនាការទិវានារីអន្តរជាតិរបស់ Charles & Keith។
នៅក្នុងខែមករា យុវតីហ្វីលីពីន Zoe Gabriel បានទទួលការលើកទឹកចិត្ត និងល្បីល្បាញជាខ្លាំង ក្រោយពីបានឆ្លើយតបចំពោះអ្នកបញ្ចេញមតិចំអកនាងនៅលើ TikTok សម្រាប់ការហៅម៉ាក Charles & Keith ថាជាម៉ាកប្រណីត។
ពីរបីថ្ងៃបន្ទាប់ពីរឿងរ៉ាវរបស់ Zoe បានផ្ទុះពេញបណ្តាញសង្គម នាងត្រូវបានគេអញ្ជើញឱ្យទៅទស្សនាទីស្នាក់ការកណ្តាល Charles & Keith ក្នុងប្រទេសសិង្ហបុរី ហើយ បានទទួលកាបូបចំនួនពីរ ដែលមានឌីសាញជាពិសេសសម្រាប់នាងផងដែរ៕
ប្រភព៖ philstar
- Share This Post: