PR
ចូលរួមឧបត្ថម្ភគាំទ្រផលិតករភាពយន្តជំនាន់ក្រោយរបស់កម្ពុជា ដើម្បីអភិរក្ស និងលើកកម្ពស់វប្បធម៌ប្រចាំតំបន់ តាមរយៈការបង្កើនគុណភាពខ្សែភាពយន្ត
អ្នកជំនាញផលិតភាពយន្តល្បីៗ កំពុងអំពាវឱ្យក្រុមហ៊ុនក្នុងស្រុកទាំងអស់ចូលរួមឧបត្ថម្ភដល់គំនិតផ្តួចផ្តើមផ្នែកអប់រំការផលិត ភាពយន្ត ដើម្បីគាំទ្រអ្នកនិពន្ធជំនាន់ក្រោយក្នុងតំបន់ទន្លេមេគង្គ ដើម្បីជួយផ្សព្វផ្សាយ និងអភិរក្ស វប្បធម៌ ដ៏ពិសេសរបស់តំបន់នេះតាមរយៈ ការជួយធ្វើឱ្យភាពយន្តក្នុងស្រុកកាន់តែមានភាពល្អប្រសើរ។

កម្មវិធីនេះដំណើរការដោយមានការគាំទ្រពីនាយកដ្ឋានភាពយន្ត នៃក្រសួងវប្បធម៌ និងវិចិត្រសិល្បៈនៃ ព្រះរាជាណាចក្រកម្ពុជា។
គំនិតផ្តួចផ្តើម Write and Eat គឺជាកិច្ចប្រឹងប្រែងរួមគ្នារវាងសមាជិក ស្ថាបនិកមួយចំនួនដូចជា លោក សុខ វិសាល ស្ថាបនិក ផលិតកម្ម 802 Films របស់ប្រទេសកម្ពុជា លោក Xaisongkham INDUANGCHANTHY មកពីប្រទេសឡាវកញ្ញា Epsin HOAN មកពី ប្រទេសវៀតណាម និងលោក Andy HO មកពីសិង្ហបុរីដើម្បីរៀបចំសិក្ខាសាលារយៈពេលមួយឆ្នាំ និងវគ្គបណ្តុះបណ្តាលបង្កើតបណ្តាញ ដែល រៀបចំឡើងដើម្បីលើកកម្ពស់ស្តង់ដារក្នុងតំបន់ និងការនិពន្ធក្នុងស្រុក។

អ្នកស្រី Ng Swee San អ្នកនិពន្ធជនជាតិសិង្ហបុរី និងជាគ្រូបង្រៀនផ្នែកនិពន្ធដែលមានសញ្ញាបត្រអនុបណ្ឌិត ផ្នែកសិល្បៈពីមហា វិទ្យាល័យសិល្បៈ Lasalle ក្នុងប្រទេសសិង្ហបុរី និងក៏ជាអតីតប្រធានសមាគមអ្នកនិពន្ធ (សិង្ហបុរី) ផងដែរនោះ នឹងធ្វើជាគ្រូបង្គោល ម្នាក់ក្នុងចំណោមគ្រូបង្គោលផ្សេងទៀតសម្រាប់វគ្គបណ្តុះបណ្តាលផ្លូវការនេះ។

លោក សុខ វិសាល ស្ថាបនិក ផលិតកម្ម 802 Films បានមានប្រសាសន៍ថា៖ «ប្រទេសកម្ពុជា និងបណ្តាប្រទេសក្នុងតំបន់ទន្លេ មេគង្គ មានចក្ខុវិស័យពិសេសនៅពេលនិយាយអំពីភាពយន្ត។ សិក្ខាសាលាជាស៊េរី រយៈពេលមួយឆ្នាំនេះ នឹងគាំទ្រផលិតករភាពយន្ត និងអ្នក និពន្ធជំនាន់ក្រោយក្នុងតំបន់ជាមួយនឹងសិក្ខាសាលាជាស៊េរី និងឱកាសបង្កើតបណ្តាញ»។

វគ្គបណ្តុះបណ្តាលនេះរួមមានសិក្ខាសាលាដែលរួមមានទាំងសិក្ខាសាលា បង្រៀនអំពីការនិទានរឿងការបង្កើតតួអង្គការសរសេរកិច្ចសន្ទនា ការបង្កើតរចនាសម្ព័ន្ធរឿង និងសមាសធាតុផ្សេងទៀត ដែលចាំបាច់សម្រាប់ការនិពន្ធសាច់រឿង។ គំនិតផ្តួចផ្តើម Write and Eat កំពុងស្វែងរកសិក្ខាកាមចំនួន ១៥នាក់ ដែលមានអាយុចន្លោះពី ២២ ទៅ ៣៥ ឆ្នាំមកពីប្រទេសកម្ពុជាវៀតណាម និងឡាវដើម្បីចូលរួម ក្នុងកម្មវិធីអប់រំថ្នាក់តំបន់នេះ។
លោក វិសាល បាន បន្ថែមថា៖ «យើងកំពុងស្វែងរកអ្នកមកពីតំបន់នេះ ដែលមានចំណង់ចំណូលចិត្តផលិតភាពយន្ដ និងអ្នកដែលចង់ ជួយអភិវឌ្ឍឧស្សាហកម្មភាពយន្តនៅក្នុងតំបន់។ ជាការពិតណាស់ ក្នុងនាមជាតួអង្គដ៏សំខាន់មួយយើងរំពឹងថា វប្បធម៌ដ៏រឹងមាំ និង គំនិតច្នៃប្រឌិតរបស់កម្ពុជានឹងដើរតួយ៉ាងសំខាន់នៅក្នុងគំនិតផ្តួចផ្តើមនេះ»។
ក្នុងនាមជាស្ថាបនិកមួយរូបនៃគំនិតផ្តួចផ្តើម Write and Eat លោក សុខ វិសាល បានប្ដេជ្ញាចិត្តលើកកម្ពស់វិស័យភាពយន្តកម្ពុជា។ លោក វិសាល គឺជានាយកផ្នែកសិល្បៈ និងច្នៃប្រឌិតជាផលិតករតន្ត្រី និងជាស្ថាបនិកនៃផលិតកម្ម KlapYaHandz។ លោក វិសាល ក៏ ជាផលិតករភាពយន្ត និងជាស្ថាបនិកផលិតកម្ម 802 Films ផងដែរ ដែលឈ្មោះរបស់លោកមានបង្ហាញនៅក្នុងក្រេឌីតរបស់ខ្សែភាពយន្តចំនួន ៥រឿង ក្នុងរយៈពេល ១០ឆ្នាំកន្លងមកនេះ។ លោក វិសាល ក៏រៀបចំព្រឹត្តិការណ៍កម្សាន្តធំៗ និងគាំទ្រ ផលិតកម្ម ភាពយន្តអន្តរជាតិជាច្រើនទៀតផងដែរ។

សម្រាប់ក្រុមហ៊ុន ដែលមានបំណងចូលរួមឧបត្ថម្ភ និងគាំទ្រ លោក វិសាល និង សិក្ខាសាលាបណ្តុះបណ្តាលផ្នែកវប្បធម៌ ដែលជា សកម្មភាពទំនួលខុសត្រូវសង្គមរបស់សជីវកម្ម (CSR) របស់គំនិតផ្តួចផ្តើម Write and Eat នេះ សូមអញ្ជើញទាក់ទងមកកាន់អាសយដ្ឋានអ៊ីមែល info@writeandeat.com៕


PR
កំពូលតារាចម្រៀង និងអ្នកនិពន្ធឆ្នើម ១០រូប បង្ហាញស្នាដៃក្នុងបទចម្រៀងមរតកប្រវត្តិសាស្រ្តនៃព្រឹត្តិការណ៍ស៊ីហ្គេម
ផលិតកម្មកម្សាន្តដ៏ធំប្រចាំប្រទេសកម្ពុជា ដែលកំពុងប្រមូលផ្តុំដោយកំពូលតារាចម្រៀងជាច្រើនរូប Galaxy Navtra បានផលិតបទចម្រៀងអមព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ ជាលើកទីមួយរបស់ខ្លួន ក្រោមចំណងជើងថា «ស្រឡាញ់អ្វីដែលខ្មែរមាន» ។

ដើម្បីអបអរសាទរព្រឹត្តិការណ៍ប្រវត្តិសាស្រ្តនៃប្រទេសកម្ពុជានាពេលខាងមុខនេះ ម្ចាស់ផលិតកម្ម Galaxy Navtra អ្នកឧកញ៉ា ឡេង ណាវ៉ាត្រា ធ្លាប់បានលើកឡើងលើបណ្តាញសង្គមថា ដើម្បីបង្ហាញពីការសាមគ្គីភាព និងការអបអរសាទរនៃព្រឹត្តិការណ៍ស៊ីហ្គេម អ្នកឧកញ៉ាបានចាត់ចែងដោយផ្ទាល់ប្រជុំការងារជាមួយអ្នកនិពន្ធ និងកំពូលតារាចម្រៀងដូចជា៖ អ្នកនិពន្ធចាស់វស្សា លោក សុខ ជំនោរ អ្នកនិពន្ធនិងជាអ្នកដឹកនាំលោក ខាំ ភូរិ ឯកឧត្តម ហ៊ឹម នភា អ្នកនិពន្ធឆ្នើម ឯកឧត្តម ខេមរៈ ភារុន អ្នកនិពន្ធឆ្នើម ឧកញ៉ា យឹម តាស្រង់ និងអ្នកឧកញ៉ាផ្ទាល់ផងដែរ។

នៅក្នុងបទចម្រៀង «ស្រឡាញ់អ្វីដែលខ្មែរមាន» ជាមរតកប្រវត្តិសាស្ត្រសម្រាប់កម្ពុជា ឆ្នាំ២០២៣នេះ ចូលរួមច្រៀងដោយកំពូលតារាចម្រៀង ៤រូបច្រៀងរួមគ្នា ដូចជា កំពូលតារាចម្រៀង ឧកញ៉ា ព្រាប សុវត្ថិ កំពូលតារាចម្រៀង ឧកញ៉ា ខេមរៈ សិរីមន្ត កំពូលតារាចម្រៀង លោក ខេម និងកំពូលតារាចម្រៀងស្រីកញ្ញា តន់ ចន្ទសីម៉ា ។

បើតាមអ្នកឧកញ៉ាម្ចាស់ផលិតកម្ម Gaxaly Navtra នេះគឺជាលើកទីមួយសម្រាប់កំពូលតារាចម្រៀង ឧកញ៉ា ព្រាប សុវត្ថិ កំពូលតារាចម្រៀង ឧកញ៉ា ខេមរៈ សិរីមន្ត កំពូលតារាចម្រៀងលោក ខេម កំពូលតារាចម្រៀង កញ្ញា តន់ ចន្ទសីម៉ា របស់ផលិតកម្មហ្គាឡាក់ស៊ី បង្ហាញក្នុងបទចម្រៀងអមព្រឹត្តិការណ៍ប្រវត្តិសាស្ត្រលើកទី១ ផ្នែកកីឡាតំបន់អាស៊ីអាគ្នេយ៍ ឆ្នាំ២០២៣នេះ។

សូមជម្រាបជូនថា បទចម្រៀង «ស្រឡាញ់អ្វីដែលខ្មែរមាន» ត្រូវបានចម្រៀងផលិតជា MV ទ្រុងទ្រាយធំម្តងរួចមកហើយដោយអ្នកឧកញ៉ា ឡេង ណាវ៉ាត្រា ក្រោយមកទៀតកំពូលតារាចម្រៀងស្រីកញ្ញា តន់ ចន្ទសីម៉ា ក៏បានយកមកច្រៀងធ្វើឲ្យផ្អើលក្នុងពិភពសិល្បៈប្រទេសកម្ពុជា និងបណ្តាប្រទេសក្នុងតំបន់អាស៊ានម្តងទៀត នេះក៏ព្រោះថា «បទស្រឡាញ់អ្វីដែលខ្មែរមាន» ក្រៅពីអត្ថន័យពាក្យពេជ្របញ្ជាក់ពីដួងព្រលឹង វប្បធម៌ អរិយធម៌ ប្រពៃណីខ្មែរហើយនោះ ក៏បានរំលេចនៅតំបន់ទេសចរណ៍ប្រវត្តិសាស្រ្ត និងនៅតាមបណ្តាកោះល្បីៗក្នុងប្រទេសកម្ពុជាផងដែរ៕






PR
ពិធីសម្ពោធជាផ្លូវការ ទឹកដោះគោស្រស់ Nong Pho នៅកម្ពុជា
ក្រុមហ៊ុន Da Dairy ត្រេឌីង ខូអិលធីឌី នៅថ្ងៃទី ២៣ ខែមីនា ឆ្នាំ២០២៣ នេះ បានធ្វើការសម្ភោធ នាំចូលជាផ្លូវការនូវផលិតផលទឹកដោះគោ Nongpho មកកាន់ប្រទេសកម្ពុជា ដែលត្រូវបានប្រារព្ធធ្វើឡើងនៅ Oakwood Premium Phnom Penh ក្រោមអធិបតីភាពដ៏ខ្ពង់ខ្ពស់របស់ លោក ឈឺគៀត អាត់ថាករ ឯកអគ្គរាជទូតថៃប្រចាំកម្ពុជា រួមជាមួយថ្នាក់ដឹកនាំជាន់ខ្ពស់របស់ក្រុមហ៊ុន Da Dairy ត្រេឌីង ខូអិលធីឌី និង ថ្នាក់ដឹកនាំជាន់ខ្ពស់ ក្រុមហ៊ុន Nongpho Dairy Cooperative Ltd ពីប្រទេសថៃផងដែរ។

ទឹកដោះគោ Nongpho ត្រូវបានផលិតឡើងនៅឆ្នាំ ១៩៧០ ដោយក្រុមហ៊ុន Nongpho Dairy Products Co., Ltd. ដែលជា ផលិតផល ស្ថិតនៅក្រោមព្រះរាជឧបត្ថម្ភរបស់ព្រះមហាក្សត្រនៃប្រទេសថៃ។ ទឹកដោះគោ Nongpho គឺជាទឹកដោះគោស្រស់ដែលមានរសជាតិឆ្ងាញ់ស្រស់ថ្មី មានផ្ទុកទៅដោយជាតិកាល់ស្យូម និងប្រូតេអ៊ីនខ្ពស់ពីធម្មជាតិ ដែលជួយដល់ប្រព័ន្ធសាច់ដុំឱ្យលូតលាស់បានល្អ ព្រមទាំងជួយថែទាំឆ្អឹង និងធ្មេញឱ្យរឹងមាំ និងសម្បូរទៅដោយវីតាមីន B2, B12 និងផូស្វ័រ ដែលជួយដល់ប្រព័ន្ធខួរក្បាលឱ្យដំណើរការបានល្អ និងជួយពង្រឹងដល់ប្រព័ន្ធការពាររាងកាយបានល្អ ដែលមានការផលិតត្រឹមត្រូវតាមមជ្ឈដ្ឋានស្តង់ដារជាមួយវិញ្ញាប័នបត្របញ្ជាក់ទទួលស្គាល់គុណភាពខ្ពស់ មានប្រយោជន៍ល្អសម្រាប់សុខភាព សាកសមសម្រាប់ទទួលទានចំពោះមនុស្សគ្រប់វ័យ។

ក្រុមហ៊ុន Da Dairy បានចុះហត្ថលេខាជាផ្លូវការនូវកិច្ចសន្យានាំចូលផ្តាច់មុខជាមួយក្រុមហ៊ុន Nongpho Ratchaburi Dairy Cooperative Limited សម្រាប់ការនាំចូលផលិតផលទឹកដោះគោ Nongpho ទាំងអស់មកកាន់ទីផ្សារនៅប្រទេសកម្ពុជា ដែលមានដូចជា ទឹកដោះគោស្រស់ Pasteurized Nongpho, ទឹកដោះគោស្រស់ Nongpho UHT ដែលមានទាំង ៥ រសជាតិ, ទឹកដោះគោស្រស់ Nongpho UHT ចំណុះ 125មីលីលីត្រ ទាំង ៣ រសជាតិ, យ៉ាអ៊ួរ Nongpho ដែលមាន ៤ រសជាតិ, ការ៉េម Nongpho។

ដើម្បីធ្វើការចូលរួមជាមួយនឹងឱកាសដ៏ពិសេសក្នុងការសម្ភោធក្នុងការបើកសម្ភោធជាផ្លូវការរបស់ ទឹកដោះគោ Nongpho មកកាន់ប្រទេសកម្ពុជាផងដែរនោះ យើងខ្ញុំសូមធ្វើការបរិច្ចាគ ផលិតផលទឹកដោះគោស្រស់ Nongpho ទៅកាន់វិទ្យាស្ថានអប់រំដែលមានដូចជា វិទ្យាស្ថានបច្ចេកវិទ្យាកំពង់ឈើទាល (កំពង់ធំ),វិទ្យាស្ថានបច្ចេកវិទ្យាកំពង់ស្ពឺ,សកលវិទ្យាល័យជាតិបាត់ដំបង, ដេប៉ាតឺម៉ងភាសាថៃ នៃវិទ្យាស្ថានភាសាបរទេស នៃសកលវិទ្យាល័យភូមិន្ទ, និង វិទ្យាល័យ ហ៊ុន សែន ត្រែង (ខេត្តបាត់ដំបង) ដើម្បីចូលរួមចំណែកសប្បុរសធម៌ចំពោះសង្គម។

គ្រប់ផលិតផល Nongpho មានលក់ជាផ្លូវការដំបូងបង្អស់នៅក្នុងហាងទំនិញ 7/11 គ្រប់សាខាទាំងអស់នៅក្នុងប្រទេសកម្ពុជា ចាប់ពីថ្ងៃទី២៣ ខែមីនា ឆ្នាំ២០២៣ នេះតទៅ និងអាចរកទិញបាននៅគ្រប់តំណាងចែកចាយទាំងអស់ក្នុងប្រទេសកម្ពុជា។
Nongpho ទឹកដោះគោស្រស់ ដើម្បីសុខភាព និង ស្នាមញញឹម ទាំងអស់គ្នា។









