PR
ក្រុមហ៊ុន ហ៊ិននីគែន ខេមបូឌា ផ្តល់ជូនអំពូលថាមពលពន្លឺព្រះអាទិត្យសម្រាប់បំភ្លឺផ្លូវក្នុងខណ្ឌច្បារអំពៅ
ភ្នំពេញ ថ្ងៃទី ២៨ ខែមីនា ឆ្នាំ២០២៣៖ ក្រុមហ៊ុន ហ៊ិននីគែន ខេមបូឌា បានផ្តល់អំពូលភ្លើងបំភ្លឺផ្លូវដំណើរការ ដោយថាមពលពន្លឺ ព្រះអាទិត្យចំនួន ២៤០ដើម ជូនដល់សង្កាត់ព្រែកឯងនៅខណ្ឌច្បារអំពៅ រាជធានីភ្នំពេញដែលស្ថិតនៅក្នុងតំបន់ រោងចក្ររបស់យើង។ ពិធី ប្រគល់នេះ បានធ្វើឡើងក្រោមអធិបតីភាពលោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ មន្ត្រី និងអាជ្ញាធរ មូលដ្ឋាន ព្រមទាំងសមាជិកសហគមន៍មូលដ្ឋាន។

ការផ្តល់ជូនអំពូលភ្លើង បំភ្លឺផ្លូវនេះ គឺជាផ្នែកមួយនៃគំនិតផ្តួចផ្តើមរបស់ក្រុមហ៊ុនដើម្បីគាំទ្រសហគមន៍បៃតង។ កន្លងមកក្រុមហ៊ុន បានដាំដើមឈើជាង ៨០០០ដើម និងបរិច្ចាគអំពូលភ្លើងបំភ្លឺផ្លូវថាមពលពន្លឺព្រះអាទិត្យ (សូឡា) ចំនួន ៧៩០ដើម ជូន ដល់ សហគមន៍ចំនួន ៤ ព្រមទាំងបានជួយដល់ប្រជាពលរដ្ឋដែលខ្វះខាតចំនួន ១៨០០គ្រួសារ នៅក្នុងខណ្ឌច្បារអំពៅបើគិតរហូតមកដល់ បច្ចុប្បន្ន។ អំពូលសូឡាទាំងនេះ នឹងផ្តល់ជូនភ្លើងដែលត្រូវការជាចំបាច់ ដើម្បីបំភ្លឺតាមដងផ្លូវនៅក្នុងសង្កាត់ព្រែកឯង ដែលនឹងជួយពង្រឹងឡើងនូវសុវត្ថិភាពនិងសន្តិសុខសម្រាប់ប្រជាពលរដ្ឋនៅក្នុងភូមិក៏ដូចជាអ្នកធ្វើដំណើរតាមដងផ្លូវ។
លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ បានមានប្រសាសន៍ថា៖ «យើងសូមថ្លែងអំណរគុណចំពោះអំណោយ សប្បុរសជាអំពូលភ្លើងបំភ្លឺផ្លូវសូឡា ដែលក្រុមហ៊ុន ហ៊ិននីគែន ខេមបូឌា បានផ្តល់ជូនដល់សហគមន៍ព្រែកឯង។ នេះជាឧទាហរណ៍ដ៏ល្អមួយដែលវិស័យឯកជនអាចធ្វើការរួមគ្នាជាមួយរដ្ឋាភិបាល និងសហគមន៍មូលដ្ឋានដើម្បីគាំទ្រដល់ការអភិវឌ្ឍប្រកបដោយនិរន្តរភាព ក្នុង មូលដ្ឋានផ្ទាល់។ អំពូលភ្លើងបំភ្លឺផ្លូវសូឡាទាំងនេះ នឹងមិនត្រឹមតែលើកកម្ពស់សុវត្ថិភាព និងសន្តិសុខ សម្រាប់ប្រជាពលរដ្ឋប៉ុណ្ណោះទេ ប៉ុន្តែថែមទាំងរួមចំណែកដល់សុខុមាលភាពទូទៅរបស់សហគមន៍ផងដែរ។ សូមអរគុណដល់ក្រុមហ៊ុន ហ៊ិននីគែន ចំពោះការប្តេជ្ញាចិត្ត បង្កើតឱ្យមានលទ្ធផលជាវិជ្ជមានហើយយើងនឹងបន្តសហការគ្នាថែមទៀត ដើម្បីបង្កើតអនាគតដ៏ត្រចះត្រចង់សម្រាប់សហគមន៍យើង ទាំងអស់គ្នា»។

ក្នុងពិធីប្រគល់អំពូលភ្លើងនេះ នាយិកា ផ្នែកកិច្ចការ សាជីវកម្មនៃក្រុមហ៊ុន ហ៊ិននីគែន ខេមបូឌា គឺលោកស្រី Anne de Graaf តាំងនាមឱ្យក្រុមហ៊ុនបានសម្តែងក្តីសង្ឃឹមក្នុងការបន្តកិច្ចសន្ទនាជាមួយគ្នា អំពីរបៀបធ្វើឱ្យបរិស្ថានរបស់យើង មានភាពប្រសើរឡើងហើយលោកស្រីក៏សង្ឃឹមផងដែរថា គម្រោងនេះពិតជានឹងបង្កើតឱ្យមានការផ្លាស់ប្តូរយ៉ាងពិតប្រាកដនៅក្នុងជីវិតប្រចាំថ្ងៃរបស់ពលរដ្ឋ នៅក្នុង សហគមន៍ព្រែកឯង។
លោកស្រី Anne de Graaf មានប្រសាសន៍ថា៖ «នៅក្រុមហ៊ុន ហ៊ិននីគែន ខេមបូឌា យើងជឿជាក់ថា យើងអាចរីកចម្រើនបានលុះត្រាតែសហគមន៍នៅជុំវិញយើងរីកចម្រើនដែរ។ នេះហើយគឺជាមូលហេតុដែលយើងផ្តល់ជូនអំពូលភ្លើងនៅថ្ងៃនេះ ដើម្បីចូលរួមចំណែក ដល់ការអភិវឌ្ឍប្រកបដោយចីរភាពរបស់សហគមន៍ព្រែកឯង។ ដោយសារយើងបានធ្វើសកម្មភាពជាមួយសហគមន៍ និងសេដ្ឋកិច្ចចំណុចនេះហើយដែលយើងជាផ្នែកមួយនៃសហគមន៍ និងសេដ្ឋកិច្ចនេះវាជាកាតព្វកិច្ចរបស់យើងក្នុងការធ្វើអាជីវកម្មរបស់យើងប្រកបដោយនិរន្តរភាព និងការទទួលខុសត្រូវ។ ដូច្នេះយើងអាចធ្វើឱ្យប្រទេសកម្ពុជា កាន់តែប្រសើរសម្រាប់មនុស្សបច្ចុប្បន្ន និងជំនាន់ក្រោយ»។

មហិច្ឆតារយៈពេលវែង “ធ្វើឱ្យប្រទេសកម្ពុជាកាន់តែប្រសើរ (Brew a Better Cambodia)” របស់ក្រុមហ៊ុន ហ៊ិននីគែន ខេមបូឌា មានគោលបំណងលើកម្ពស់ស្តង់ដារក្នុងការរួមចំណែកជាវិជ្ជមានតាមរយៈសសរស្តម្ភសំខាន់ចំនួន បី របស់ក្រុមហ៊ុនរួមមាន និរន្តរភាពបរិស្ថាន និរន្តរភាព សង្គម និងការពិសារដោយការទទួលខុសត្រូវ រួមជាមួយនឹងគោលដៅឆ្ពោះទៅរកការចូលរួមចំណែកធ្វើឱ្យ ពិភពលោក មានអព្យាក្រឹតកាបូនសូន្យ កាន់តែស្មើភាព និងកាន់តែមានសុខភាពល្អ។
រោងចក្រផលិត ស្រាបៀរ របស់ក្រុមហ៊ុនដែលស្ថិតនៅខណ្ឌច្បារអំពៅ ថ្មីៗនេះបានឈានដល់ដំណាក់កាលសំខាន់មួយក្នុងដំណើរ ផ្លាស់ប្តូរ ឆ្ពោះទៅប្រើប្រាស់ថាមពលកកើតឡើងវិញ។ ស្ថិតក្រោមភាពជាដៃគូជាមួយក្រុមហ៊ុន Berkeley Energy Commercial Industrial Solutions (BECIS) ក្រុមហ៊ុន ហ៊ិននីគែន ខេមបូឌា បានសម្ពោធជាផ្លូវការនូវរោងចក្រជីវម៉ាស់ថ្មីមួយនៅខែកញ្ញា ឆ្នាំ២០២២ ដែល ជារោងចក្រ ជីវថាមពល ធំដំបូងគេនៅកម្ពុជា។ ជាមួយនឹងរោងចក្រជីវម៉ាសថ្មីនេះ រោងចក្រផលិតស្រាបៀររបស់ក្រុមហ៊ុន ហ៊ិននីគែន ខេមបូឌា នាពេលបច្ចុប្បន្នដំណើរការ ដោយប្រើប្រាស់ថាមពលកម្ដៅកកើតឡើងវិញ ១០០% តាមរយៈការប្រើអង្កាមពីរោងម៉ាស៊ីនកិន ស្រូវ និងកសិករ ក្នុងស្រុក។ ការប្រើប្រាស់ អង្កាម ជាប្រភពឥន្ធនៈជួយប្រែក្លាយកាកសំណល់កសិកម្ម និងសរីរាង្គ ដែលត្រូវបាន បោះចោលទៅជាប្រភពចំណូលបន្ថែមសម្រាប់សហគមន៍កសិកម្ម។
ក្រុមហ៊ុន ហ៊ិននីគែន ខេមបូឌា ប្រើប្រាស់ស្រូវក្នុងប្រទេសកម្ពុជា ១០០ % ក្នុងការផលិតស្រាបៀរមួយចំនួនដូចជា សា្របៀរអានឆ័រ (Anchor) និងស្រាបៀរ Tiger ជាដើម។ ដើម្បីបង្កើនប្រសិទ្ធភាពវិលជុំបន្ថែមទៀតនៅក្នុងខ្សែសង្វាក់តម្លៃស្រូវក្រុមហ៊ុនក៏បាន ធ្វើការងាររួមគ្នាជាមួយអង្គការភាពជាដៃគូ ដើម្បីចីរភាពវិស័យកសិកម្មកម្ពុជា (CPSA) ដើម្បីគាំទ្រកសិករក្នុងស្រុកតាមរយៈការកសាង សមត្ថភាព៕

អំពីក្រុមហ៊ុន ហ៊ិននីគែន ខេមបូឌា
ក្រុមហ៊ុន ហ៊ិននីគែន ខេមបូឌា ជាក្រុមហ៊ុនផលិតស្រាបៀរឈានមុខគេមួយនៅកម្ពុជាដែលបង្កើតឡើងក្នុងឆ្នាំ ១៩៩៤។ ជំរុញ ដោយគោលបំណងបង្កើតភាពសប្បាយរីករាយរួមគ្នាក្រុមហ៊ុនបង្កើតបទពិសោធដ៏អស្ចារ្យសម្រាប់អ្នកពិសា និងអតិថិជន ដែលត្រូវការស្រាបៀរម៉ាក យីហោ អន្តរជាតិគុណភាពខ្ពស់ដូចជា ស្រាបៀរ Heineken© ស្រាបៀរ Tiger ស្រាបៀរ ABC ស្រាបៀរ Anchor និង ស្រាបៀរ Gold Crown។ ជាមួយនឹងការគ្របដណ្តប់នៅទូទាំងប្រទេស និងដោយមានរោងចក្របច្ចេកវិទ្យាទំនើបស្ថិតនៅរាជធានីភ្នំពេញ ក្រុមហ៊ុន មានបុគ្គលិក ៧០០នាក់ និងផ្ដល់ការងារដោយប្រយោលជូនប្រជាជនកម្ពុជាចំនួន ១២០,០០០នាក់ នៅទូទាំងចង្វាក់ផលិតកម្មរបស់ខ្លួន។ ប្តេជ្ញាចំពោះការអភិវឌ្ឍប្រកបដោយនិរន្តរភាពរបស់កម្ពុជាក្រុមហ៊ុន ហ៊ិននីគែន ខេមបូឌា មានបំណង “ធ្វើឱ្យប្រទេសកម្ពុជាកាន់ តែប្រសើរ” ជាមួយនឹងការផ្តោតលើបរិស្ថាន និរន្តរភាព សង្គម និងការពិសាដោយការទទួលខុសត្រូវ ដែលស្ថិតនៅលើមាគ៌ាឆ្ពោះ ទៅ កាន់ពិភពលោក ដែលមានកាបូនសូន្យកាន់តែស្មើភាព និងកាន់តែមានសុខភាពល្អ។ ក្រុមហ៊ុន ហ៊ិននីគែន ខេមបូឌា គឺជាផ្នែកមួយ នៃក្រុមហ៊ុន HEINEKEN Company ដែលជាក្រុមហ៊ុនផលិត ស្រាបៀរ លំដាប់ថ្នាក់ពិភពលោក៕
PR
អបអរសាទរ ពិធីចុះហត្ថលេខាលើអនុស្សរណៈយោគយល់គ្នារវាង ក្រុមហ៊ុន ហនុមាន ប៊ែវើរីជីស និង ក្រុមហ៊ុន អ៉ី អេហ្វ ជី អិចប្រេសហ្វូដគ្រុប
នៅថ្ងៃសុក្រ ១៤ កើត ខែ ជេស្ឋ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២ ខែមិថុនា ឆ្នាំ២០២៣ ក្រុមហ៊ុន ហនុមាន ប៊ែវើរីជីស ឯ.ក បានរៀបចំពិធីចុះហត្ថលេខាលើអនុស្សរណៈយោគយល់គ្នារវាងក្រុមហ៊ុន ហនុមាន ប៊ែវើរីជីស និងក្រុមហ៊ុន អ៉ី អេហ្វ ជី អិចប្រេសហ្វូដគ្រុប (EFG Group) នៅរោងចក្រផលិតភេសជ្ជៈ ហនុមាន ដែលមានទីតាំងស្ថិតនៅផ្លូវជាតិលេខ ៤ស្រុក អង្គស្នួល ខេត្ត កណ្តាល។

នេះជាកិច្ចសហប្រតិបត្តិការដើម្បីជំរុញផលិតផលរបស់ក្រុមហ៊ុន ហនុមាន ទៅដល់អ្នកប្រើប្រាស់ផ្ទាល់តាមរយៈបណ្តាសាខាហាងម្ហូបអាហារជាពិសេស គ្រប់សាខា ដឹ ភីហ្សា ខមផេនី (The Pizza Company) ទូទាំងប្រទេស ដែលក្រុមហ៊ុន ហនុមាន ប៊ែវើរីជីស នឹងក្លាយជាដៃគូផ្តាច់មុខក្នុងការផ្តត់ផ្គង់ ស្រាបៀរ ហនុមាន នៅគ្រប់សាខាហាងម្ហូបអាហារ ដែលស្ថិតនៅក្រោមក្រុមហ៊ុន អ៉ី អេហ្វ ជី អិចប្រេសហ្វូដគ្រុប (EFG Group) និងនៅលើ Hungry App ផ្លូវការរបស់ក្រុមហ៊ុន។

ក្រុមហ៊ុនហនុមាន ប៊ែវើរីជីស បានបង្កើតឡើងដោយការយកចិត្តទុកដាក់បំផុត ក្នុងគោលបំណងឱ្យប្រជាជនកម្ពុជា ទទួលបាននូវផលិតផល ដែលមានគុណភាពខ្ពស់ និងដើម្បីចូលរួមជាមួយរាជរដ្ឋាភិបាល លើកស្ទួយសេដ្ឋកិច្ចកម្ពុជា តាមរយៈការបង្កើតការងារ និង លើកតំកើនផលិតផលក្នុងស្រុក ព្រមទាំង នាំយកកេរ្តិ៍ឈ្មោះផលិតផល របស់ប្រទេសយើងទៅទីផ្សារអន្តរជាតិ។ ថ្មីៗនេះផងដែរ ក្រុមហ៊ុន ហនុមាន ប៊ែវើរីជីស បានធ្វើការចុះហត្ថលេខាព្រមព្រៀងដៃគូពាណិជ្ជកម្មជាមួយក្រុមហ៊ុន Yakyim Intertrade Co., Ltd ក្នុងការចែកចាយផ្តាច់មុខផលិតផល ស្រាបៀរ ហនុមាន នៅក្នុងទីផ្សារប្រទេសថៃ។ នេះជាមោទកភាពមួយទៀតរបស់ក្រុមហ៊ុន ហនុមាន ប៊ែវើរីជីស ក្នុងការនាំចេញនូវផលិតផលខ្មែរទៅទីផ្សារអន្តរជាតិ ហើយនៅថ្ងៃនេះក្រុមហ៊ុនហនុមានក៏បានសហការជាមួយក្រុមហ៊ុន EFG Group ជាក្រុមហ៊ុនឧស្សាហកម្មម្ហូបអាហារ និងភេសជ្ជៈ ដែលនាំស្លាកសញ្ញាអន្តរជាតិមកកម្ពុជា។ កិច្ចសាហប្រតិបត្តិការនេះគឺជាយុទ្ធសាស្រ្តមួយ ដើម្បីជំរុញទិសដៅ និងចក្ខុវិស័យវែងឆ្ងាយរបស់ក្រុមហ៊ុន ហនុមាន ប៊ែវើរីជីស។

ថ្មីៗនេះផងដែរ ក្រុមហ៊ុន ហនុមាន ប៊ែវើរីជីស បានឈ្នះពានរង្វាន់មេដាយមាស ពីស្ថាប័នកំពូល Monde Selection ឆ្នាំ ២០២៣ ទៅលើផ្នែករសជាតិដ៏ល្អឥតខ្ចោះនៃ ស្រាបៀរ ហនុមាន! នេះជាមោទកភាពមួយក្នុងចំណោមមោទកភាពមួយបន្ថែមទៀតសម្រាប់ក្រុមហ៊ុន ហនុមាន ប៊ែវើរីជីស ក៏ដូចជាសម្រាប់អតិថិជនទាំងក្នុងប្រទេស និងអតិថិជនអន្តរជាតិទាំងអស់ផងដែរ។
ពិធីចុះហត្ថលេខានេះ ត្រូវបានរៀបចំឡើងក្រោមអធិបតីភាព លោក Chas GESCHKE នាយកប្រតិបត្តិ នៃក្រុមហ៊ុន ហនុមាន ប៊ែវើរីជីស និង លោក Martin Darby Managing Director of EFG Group ហើយក៏មានភ្ញៀវកិត្តយសជាច្រើនរូបចូលរួមផងដែរ។
លោក Chas GESCHKE នាយកប្រតិបត្តិ នៃក្រុមហ៊ុន ហនុមាន ប៊ែវើរីជីស បានមានប្រសាសន៍ថា៖ “កិច្ចសហការនេះគឺជាការចាប់ផ្តើមនៃការរួមបញ្ចូលគ្នានៃក្រុមហ៊ុនដែលមានសក្តានុពលចំនួនពីរ ក្នុងការស្វែងរកឧត្តមភាព និងបំពេញសេចក្តីត្រូវការរបស់អតិថិជនទាំងអស់ទូទាំងប្រទេស។

ក្រុមហ៊ុនហនុមាន ប៊ែវើរីជីស ប្តេជ្ញាចិត្តខ្ពស់ចំពោះគុណភាព និងការច្នៃប្រឌិតអ្វីដែលថ្មី ហើយចូលរួមជាមួយ អ៉ី អេហ្វ ជី ខេមបូឌា ដែលជាក្រុមហ៊ុនមានឈ្មោះល្បី ឈានមុខគេក្នុងឧស្សាហកម្មម្ហូបអាហារ និងភេសជ្ជៈដើម្បីភាពរីកចម្រើន និងជោគជ័យរួមគ្នាជានិច្ចនិរន្តរ៍”។
ចំពោះការថ្លែងមតិលើកិច្ចព្រមព្រៀងនេះ លោក Martin Darby នាយកគ្រប់គ្រងនៃក្រុមហ៊ុន អ៉ី អេហ្វ ជី
អិចប្រេសហ្វូដគ្រុប (EFG Group) បានថ្លែងអំពីការកោតសរសើរចំពោះក្រុមហ៊ុនស្រាបៀរហនុមាន ដែលជាស្រាបៀរក្នុងស្រុក កំពុងតែមានប្រជាប្រិយភាពខ្ពស់ ជាមួយនឹងសន្ទុះគាំទ្រយ៉ាងខ្លាំងក្លាក្នុងប្រទេសកម្ពុជា រួមផ្សំជាមួយនឹងភីហ្សា ដែលពេញនិយមទូទាំងប្រទេសកម្ពុជា ដឹ ភីហ្សា ខមផេនី (The Pizza Company), ភោជនីយដ្ឋានសាច់អាំង បាប៊ី ឃ្យូ ផ្លាហ្សា(BAR.B.Q Plaz), អ៊ីតធូហ្គេតដឺ (Eat Together), បាយភូមិ (Bay Phum), ហាងកាហ្វេអន្តរជាតិ ដឹ កូហ្វី ក្លិប(The Coffee Club), ដែលស្ថិតក្រោមសិទ្ធិផ្តាច់មុខដោយក្រុមហ៊ុន អ៊ី អេហ្វ ជី អិចប្រេសហ្វូដគ្រុប (EFG Group)។ ក្នុងនោះផងដែរ ផលិតផលស្រាបៀរ ហនុមាន នឹងមានដាក់លក់ជាង ៦០ ទីតាំងទូទាំងប្រទេសកម្ពុជា រួមមាន ក្រុងបោយប៉ែត សិរីសោភ័ណ បាត់ដំបង សៀមរាប កំពង់ចាម ស្គន់ កំពង់ស្ពឺ ក្រុងព្រះសីហនុ តាខ្មៅ និងភ្នំពេញ។

លើសពីនេះទៅទៀត លោកបានថ្លែងថា៖ «មូលហេតុដែលលោកជ្រើសរើសស្រាបៀរ ហនុមាន ជាដៃគូ ព្រោះផលិតផលស្រាបៀរហនុមាន ពិតជាផ្តោតសំខាន់លើគុណភាព នឹងជ្រើសរើសនូវវត្ថុធាតុដើមដែលមានគុណភាពខ្ពស់ ក្នុងការផលិត ស្រាបៀរ ហនុមាន គឺប្រៀបបីដូចនឹង The Pizza Company ផងដែរ ដែលជ្រើសរើសតែវត្ថុធាតុដើមដែលមានគុណភាពខ្ពស់ក្នុងការធ្វើភីហ្សា ហើយស្រារបៀរ ហនុមាន ដែលមានគុណភាពខ្ពស់ ជាមួយនឹងភីហ្សាដែលមានគុណភាពខ្ពស់ គឺពិតជាត្រូវគ្នាខ្លាំងណាស់»
ក្រោយបញ្ចប់កម្មវិធី ចុះហត្ថលេខា ក្រុមហ៊ុន ហនុមាន ប៊ែវើរីជីស បានធ្វើបទបង្ហាញនូវខ្សែសង្វាក់ ផលិតកម្ម របស់ខ្លួនជូនដល់ភ្ញៀវកិត្តិយសបានទស្សនា។ ចំណុចពិសេស ដែលធ្វើឱ្យក្រុមហ៊ុន ហនុមាន ប៊ែវើរីជីស ពិតជាមានភាពវិសេសវិសាល គឺរសជាតិឈានមុខ និងគុណភាពខ្ពស់ ដែលត្រូវបានផលិតយ៉ាងសម្រិតសម្រាំង ស្របតាមស្តង់ដារអន្តរជាតិ ដោយអ្នកជំនាញច្បាស់លាស់ លំដាប់ពិភពលោក ដែលមានបទពិសោធន៍ជាច្រើនឆ្នាំ។

លោក Martin Darby នាយកគ្រប់គ្រងនៃក្រុមហ៊ុន អ៉ី អេហ្វ ជី អិចប្រេសហ្វូដគ្រុប (EFG Group) បានមានប្រសាសន៍បន្ថែមទៀតថា៖ ខ្ញុំធ្លាប់ធ្វើការនៅក្នុងរោងចក្រសាបៀរពីមុនមកនៅចក្រភពអង់គ្លេស ក្រោយពីបានធ្វើទស្សនកិច្ចរោងចក្រហនុមានហើយ ឃើញថា រោងចក្រហនុមាន គឺពិតជាមានសោភ័ណភាពស្រស់ស្អាត ទំនើប អនាម័យខ្ពស់ ហើយលោកពិតជាមានការកោតសរសើរចំពោះការរៀបចំប្រកបដោយស្តង់ដារ និងសុវត្ថិភាពខ្ពស់។
“ភ្ញៀវកិត្តយសដែលបានធ្វើការទស្សនាក៏បានធ្វើការកោតសរសើរចំពោះទំនើបកម្ម និងភាពសម្រិតសម្រាំងយ៉ាងល្អឥតខ្ចោះនៃការផលិតភេសជ្ជៈ របស់ក្រុមហ៊ុន ហនុមាន ដែលរាប់ចាប់តាំងពីការជ្រើសរើសគ្រឿងផ្សំរហូតដល់ការវេចខ្ចប់ ផលិតផលសម្រេច ដោយបានឆ្លងកាត់នូវដំណាក់កាលផលិត ក៏ដូចជាការពិសោធន៍ត្រឹមត្រូវ តាមបទដ្ឋានស្តង់ដារខ្ពស់ ដើម្បីធានាបាននូវគុណភាព មុននឹងចែកចាយទៅលើទីផ្សារ។


PR
ដើមខែថ្មី! វឺតៗឡើង នាំគ្នាមកទិញទំនិញ ញ៉ាំអាហារ នៅផ្សារទំនើប ជីប ម៉ុង សែនសុខ ម៉ល ដែលបញ្ចុះតម្លៃដល់ទៅ៧០%
(ភ្នំពេញ)៖ សប្បាយទិញហើយ កម្មវិធីលក់បញ្ចុះតម្លៃពាក់កណ្ដាលឆ្នាំ Mid-Year Sale ពីផ្សារទំនើប ជីប ម៉ុង សែនសុខ ម៉ល ដែលជាប្រូម៉ូសិនពិសេសសម្រាប់អតិថិជនទាំងអស់ ជាមួយទំនិញបញ្ចុះតម្លៃរហូតដល់ ៧០% ពីបណ្តាហាងល្បីៗ ជាពិសេសមានឱកាសចាប់ឆ្នោតផ្សងសំណាងដែលមានរង្វាន់យ៉ាងសន្ធឹកសន្ធាប់។

ជាមួយប្រូម៉ូសិនដ៏ធំអស្ចារ្យរហូតដល់ ៧០% ពីបណ្តាហាងល្បីៗជាច្រើនដូចជា ហាងលក់សម្លៀកបំពាក់ Wavera, ហាងលក់សម្លៀកបំពាក់កូនក្មេង Balabala, ភោជនីយដ្ឋាន Papa John’s Pizza Cambodia, Potato Corner, រោងភាពយន្ត Legend Premium , ពិភពកម្សាន្តកុមារ Doozii, មជ្ឈមណ្ឌលកម្សាន្ត Neo Game Oasis, ហាងលក់ផលិតផលថែរក្សាសម្រស់ Nature Republic, ឱសថស្ថាន Ucare Pharmacy, ហាងលក់សម្ភារៈអេឡិចត្រូនិច K-Four និងហាងល្បីៗជាច្រើនទៀត។
ជាពិសេសការផ្តល់ជូនពិសេសពីផ្សារទំនើប ជីប ម៉ុង សែនសុខ ម៉ល សម្រាប់អតិថិជនចំណាយចាប់ពី ៣០ដុល្លារឡើងទៅនឹងទទួលបានការចាប់រង្វាន់ឈ្នះ ឆ័ត្រ ឫ Ize ភ្លាមៗ។ មិនត្រឹមតែប៉ុណ្ណោះ អតិថិជននឹងទទួលបានឱកាសឈ្នះរង្វាន់ជាច្រើនដូចជា ទូរស័ព្ទ ទូកទឹកកក ទូរទស្សន៍ ម៉ាស៊ីនបោកខោអាវ និងរង្វាន់ជាច្រើនទៀត។ ល ។

ការផ្ដល់ជូនពិសេស បញ្ចុះតម្លៃរហូតដល់ ៧០% និងឈ្នះរង្វាន់នេះ នឹងប្រព្រឹត្តិទៅចាប់ផ្តើមពីថ្ងៃទី ០១ មិថុនា ដល់ថ្ងៃទី ១៥ កក្កដា ឆ្នាំ២០២៣ ថែមទាំងមានការប្រគុំតន្រ្តី និងការតាំងពិព័រណផលិតផលជាច្រើនទៀត។
គួរបញ្ជាក់ផងដែរថា ផ្សារទំនើប ជីប ម៉ុង សែនសុខ ម៉ល គឺជាផ្សារទំនើបដែលមានការរចនាដ៏ប្រណិត ទីតាំងធំទូលាយ ពោរពេញទៅដោយសេវាកម្ម និងផលិតផលប្រេនល្បីៗទាំងក្នុងស្រុក និងក្រៅស្រុក ជាមួយនឹងបរិយាកាសដ៏ស្រស់ស្រាយ ផាសុកភាពខ្ពស់ ព្រមទាំងមានចំណតរថយន្ត និងម៉ូតូយ៉ាងធំទូលាយផ្តល់ភាពងាយស្រួលសម្រាប់អតិថិជន។

សម្រាប់ព័ត៌មានបន្ថែមអំពីផ្សារទំនើប ជីប ម៉ុង សែនសុខ ម៉ល សូមចូលទៅកាន់ទំព័រហ្វេសប៊ុក៖ https://www.facebook.com/chipmongsensok
ឬទាក់ទងមកលេខ៖ 070 822 822 ឬ 096 888 9 888 ។
ទំនាក់ទំនងជួលទីតាំងរៀបចំកម្មវិធី និងផ្សព្វផ្សាយពាណិជ្ជកម្មនៅផ្សារទំនើប ជីប ម៉ុង សែនសុខ ម៉ល៖
• លេខទូរស័ព្ទ៖ 066 401 222
• តេលេក្រាម៖ 066 401 222 (@AmKeolong)
• អ៊ីមែល៖ keolong.am@chipmong.com