ទាំងអត្ថន័យនិងរូបភាព ‘‘Victory For All’’ ពី ឱក សុគន្ធកញ្ញា កំពុងផ្ទុះការគាំទ្រ ជាបទចម្រៀងដ៏ល្អឥតខ្ចោះសម្រាប់អបអរ SEA GAMES

ក្នុងព្រឹត្តិការណ៍ប្រកួតកីឡា SEA GAMES នេះ មានការរៀបរៀងបទចម្រៀងឡើងជាច្រើនដើម្បីអបអរ ដែលកម្ពុជាបានធ្វើជាម្ចាស់ផ្ទះបន្ទាប់ពីខកខានអស់ 64ឆ្នាំ។

MV បទចម្រៀងដ៏លេចធ្លោក្នុងការអបអរព្រឹត្តិការណ៍ដ៏អស្ចារ្យនេះ ‘‘Victory For All’’ ពីកំពូលតារាចម្រៀងនារី លេខ ១ក្នុងប្រទេស អ្នកនាង ឱក សុគន្ធកញ្ញា បង្ហាញពីភាពស្វាហាប់ អង់អាច រួមជាមួយនិងកីឡាគ្រប់ប្រភេទក្នុងរូបភាពយ៉ាងប្រណិតស្រស់ស្អាតត្រជាក់ភ្នែកតែម្តង។

មតិពីបណ្តាអ្នកគាំទ្រជាច្រើនបានលើកឡើងសរសើរមិនដាច់ពីមាត់ពីគុណភាព MV បទចម្រៀងមួយនេះថាជាបទដ៏ស័ក្តសមបំផុតក្នុងការលើកមុខមាត់ប្រទេសនាមជាម្ចាស់ផ្ទះ ក៏ដូចជាលើកទឹកចិត្តដល់កីឡាករទាំងអស់ផងដែរ។

គួរបញ្ជាក់ផងដែរថា បទ Victory For All នឹងត្រូវលើកយកមកសម្តែងក្នុងព្រឹត្តិការណ៍បើកការប្រកួតស៊ីហ្គេម នាថ្ងៃទី 5 ឧសភា 2023 នេះផ្ទាល់តែម្តង៕