ប្រភពខាងលើបានបញ្ជាក់ថា នៅក្នុងវិធានការរបស់អាជ្ញាធរចិនខាងលើនេះនឹងមានការបែងចែកជាចំណុចតូចៗមួយចំនួនដូចជា បិទការប្រើប្រាស់ទូរស័ព្ទជាមួយអ៊ីនធឺណិតចំពោះពលរដ្ឋមានអាយុក្រោយ ១៨ឆ្នាំទាំងអស់នៅចន្លោះពីម៉ោង ១០យប់ រហូតដល់​ម៉ោង ៦ព្រឹក។ កុមារដែលមានអាយុក្រោម ៨ឆ្នាំគឺអាចប្រើប្រាស់ទូរស័ព្ទដោយភ្ជាប់ជាមួយនិងអ៊ីនធឺណិតត្រឹមតែ ៤០នាទីប៉ុណ្ណោះក្នុងមួយថ្ងៃ ខណៈពលរដ្ឋដែលមានអាយុចន្លោះពី ១៦ទៅ១៧ឆ្នាំគឺអាចប្រើប្រាស់ទូរស័ព្ទដោយភ្ជាប់ជាមួយនិងអ៊ីនធឺណិតបានចំនួន ២ម៉ោងក្នុងមួយថ្ងៃ។ សូមបញ្ជាក់ជូនថា ក្នុងការអនុវត្តវិធានការនេះគឺអាជ្ញាធរចិននឹងតម្រូវឲ្យអ្នកប្រើប្រាស់អ៊ីនធឺណិតទាំងអស់ត្រូវចុះឈ្មោះរបស់ពួកគេដោយមានបញ្ជាក់ពីអាយុពិតប្រាកដ ហើយអាជ្ញាធរចិននឹងប្រើប្រាស់ប្រព័ន្ធគ្រប់គ្រងមួយដើម្បីតាមដានគ្រប់អ្នកប្រើប្រាស់អ៊ីនធឺណិតទាំងអស់៕