ខេត្តកណ្ដាល៖ យោងតាមការចុះផ្សាយរបស់ ស្នងការដ្ឋាននគរបាលខេត្តកណ្តាល បានឱ្យដឹងថា ដោយអនុវត្តតាមបទបញ្ជាពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅថ្ងៃទី១៨ ខែកញ្ញា ឆ្នាំ២០២៣ វេលាម៉ោង១២៖៣១នាទី កម្លាំងប៉ុស្តិ៍នគរបាលរដ្ឋបាលដំណាក់អំពិល នៃអធិការដ្ឋាននគរបាលស្រុកអង្គស្នួល ខេត្តកណ្ដាល បានចុះល្បាតក្នុងភូមិសាស្រ្ដ លុះដល់ចំណុច ផ្លូវជាតិលេខ៥១ ភូមិថ្នល់ទទឹង ឃុំដំណាក់អំពិល ស្រុកអង្គស្នួល បានប្រទះឃើញក្មេងទំនើង ០២នាក់(ស្រី) ធ្វើសកម្មភាពជិះម៉ូតូជ្រែពេញផ្លូវ៖

១-ឈ្មោះ អុជ ចាន់ថេត ភេទស្រី អាយុ១៥ឆ្នាំ ជនជាតិខ្មែរ មុខរបរចុងភៅ ស្នាក់នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ (អ្នកបើកម៉ូតូ)។

២-ឈ្មោះ ជ័យ លីនដា ភេទស្រី អាយុ១៦ឆ្នាំ ជនជាតិខ្មែរ មុខរបរកម្មការិនីរោងចក្រ ស្នាក់នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ (អ្នកអង្គុយពីក្រោយ)។

+វត្ថុតាង៖ ម៉ូតូ ០១គ្រឿង ម៉ាកហុងដាឌ្រីម C125 ពណ៌ខ្មៅ ឆ្នាំផលិត២០១៩ ពាក់ស្លាកលេខ កំពង់ស្ពឺ 1N-1970។ សមត្ថកិច្ច បាននាំយកក្មេងទំនើងទាំង០២នាក់ មកប៉ុស្តិ៍នគរបាលរដ្ឋបាលដំណាក់អំពិល ដើម្បីធ្វើកិច្ចសន្យាណែនាំអប់រំ និងឲ្យអាណាព្យាបាល ក្មេងទាំង០២នាក់ មកធានាយកកូនទៅអប់រំបន្ត ៕

ប្រភព៖ ស្នងការដ្ឋាននគរបាលខេត្តកណ្តាល – Police Commissariat Of Kandal Province