ម្ចាស់បទ «ធ្វើម្ដេចយើងក្រ» លោក ឃី សុឃុន បានបង្ហាញមុខក្នុងកម្មវិធីកម្សាន្តដ៏លេចធ្លោក្នុងលោក គឺ Killer Karaoke Cambodia រដូវកាលទី៧ ក្នុងវិញ្ញាសា «រន្ទះស្រៀវស្រើប» ក្នុងសប្តាហ៍ទី12។

ចូលមកដល់សប្តាហ៍ចុងក្រោយក្នុងរដូវកាលទី7 ដែលបានប្រមូលផ្តុំសុទ្ធតែជើងខ្លាំងក្នុងវគ្គមុនៗ Killer Karaoke Cambodia ដែលបានឧបត្ថម្ភផ្តាច់មុខដោយក្រុមហ៊ុន Khmer Beverages ក៏បានរកឃើញអ្នកក្លាហានឈ្នះរង្វាន់ធំចុងក្រោយក្នុងកម្មវិធីកម្សានដ៏លេចធ្លោមួយនេះ។

លោក ឃី សុឃុន មកលើកនេះទម្រាំបានឈ្នះក៏ត្រូវទក់សាច់ហាក់ធ្ងន់ធ្ងរដែរ ព្រោះប៉ះចំវិញ្ញាសា មនុស្សសំបូរស្នេហ៍ ដែលត្រូវតោងទាមដោយហ្វូងខ្មោចព្រាយជាច្រើន គឺថាឡើងទ្រោមខ្លួនតែម្តង។

គួរបញ្ជាក់ដែរថា កម្មវិធីកម្សាន្ត Killer Karaoke Cambodia គឺជាកម្មវិធីទូរទស្សន៍លំដាប់ពិភពលោកដែលផលិតបានច្រើនរដូវកាលបំផុតនៅកម្ពុជា ដែលផលិតដោយទូរទស្សន៍ក្នុងស្រុកដ៏ពេញនិយមគឺ ហង្សមាស HDTV៕