CAMBODIA LITE BEER កូនពៅរបស់ ខ្មែរ ប៊ែវើរីជីស ក្នុងឆ្នាំ២០២៤ រសជាតិស្រាលស្រទន់ កម្រិតជាតិអាល់កុលតិច ត្រឹមតែ៤% និង កាឡូរីទាប ល្អបំផុតសម្រាប់ការជួបជុំ
- BY
- Naren
- April 2, 2024
(ភ្នំពេញ មេសា ២០២៤)៖ ស្រាបៀរ កម្ពុជា ឡៃថ៍ ឬ CAMBODIA LITE BEER សមាជិកថ្មី បានបញ្ចេញរូបរាង និងដាក់លក់នៅក្នុងទីផ្សារប្រទេសកម្ពុជា នៅថ្ងៃទី០១ ខែមេសា ឆ្នាំ២០២៤នេះ។ ក្នុងពិធីសម្ពោធ ស្រាបៀរ កម្ពុជា ឡៃថ៍ ឬ CAMBODIA LITE BEER របស់ក្រុមហ៊ុន ខ្មែរ ប៊ែវើរីជីស មានការអញ្ជើញចូលរួមពីអ្នកឧកញ៉ា លាង ម៉េង ដែលជាសហស្ថាបនិក និងជាប្រធានក្រុមអគ្គនាយក ខ្មែរ ប៊ែវើរីជីស និងបុគ្គលិកគ្រប់ជាន់ថ្នាក់ រួមទាំងតំណាងចែកចាយរបស់ក្រុមហ៊ុន ខ្មែរ ប៊ែវើរីជីស។
CAMBODIA LITE BEER ត្រូវបានរចនារូបរាងដ៏ល្អប្រណិត ជាផលិតផលដំបូងដែលលើសម្បកកំប៉ុងមានភាពគ្រើម (Matte) ពណ៌ស លាយជាមួយនឹងអក្សរ CAMBODIA LITE BEER ពណ៌ខៀវ មើលទៅស្រាល ត្រជាក់ភ្នែក បង្ហាញពីភាពលេចធ្លោទាន់សម័យ ជាពិសេសផលិតឡើងពីគ្រឿងផ្សំដែលមានគុណភាពល្អលើសគេ និងប្រើប្រាស់បច្ចេកវិទ្យាទំនើប Ultra-Filtered ដើម្បីធានាបាននូវក្លិននិងរសជាតិស្រស់បំផុត ក្នុងកម្រិតជាតិអាល់កុលតិចត្រឹមតែ 4%ប៉ុណ្ណោះ។ ហើយសម្រាប់អ្នកចូលចិត្តជួបជុំបែបគ្រួសារ មិត្តភក្តិ ក្នុងឱកាសពិសេសនានា CAMBODIA LITE BEER ជាជម្រើសល្អបំផុត ក្រៅពីមានរសជាតិស្រាលស្រទន់បំផុត ក្នុងកម្រិតជាតិអាល់កុលត្រឹមតែ៤% CAMBODIA LITE BEER មានកាឡូរីទាប ល្អបំផុត សម្រាប់អ្នកដែលគិតគូរដល់បរិមាណចំណីអាហារដែលទទួលទាន។
រឹតតែពិសេសក្រុមហ៊ុន ខ្មែរ ប៊ែវើរីជីស ក៏បានធ្វើឱ្យអតិថិជន និងតំណាងចែកចាយមានការភ្ញាក់ផ្អើល ក្រៅពីបញ្ចេញផលិតផលស្រាបៀរថ្មី ក្រុមហ៊ុនបានដាក់នូវរង្វាន់សន្ធឹកសន្ធាប់ដូចជា រថយន្តប្រណិត SUV ម៉ាក Mitsubishi X-Force ស៊េរីទំនើបចុងក្រោយ, រង្វាន់ម៉ូតូ Vespa Sprint Sport រង្វាន់លុយសុទ្ធជាច្រើនសន្ធឹកសន្ធាប់ និងរង្វាន់ CAMBODIA LITE BEER រាប់លានកំប៉ុង៕
CAMBODIA LITE BEER ស្រាលស្រទន់ ជួបជុំបានយូរ!
CAMBODIA BEER បង្កើនភាពស្និទ្ធស្នាល!
- Share This Post: