អាមេរិក៖ នៅទីបំផុតច្បាប់ដំឡើងពន្ធនាំចូលសហរដ្ឋអាមេរិកថ្មីរបស់លោកប្រធានាធិបតី ដូណាល់ ត្រាំ បានចូលជាធរមាននៅក្នុងថ្ងៃពុធ ទី៩​ ខែមេសានេះហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ នៅក្នុងការអនុវត្តច្បាប់ដំឡើងពន្ធនាំចូលថ្មីនោះ ក៏មានទាំងច្បាប់ដែលត្រូវអនុវត្តចំពោះផលិតផលចិនមួយចំនួន ដែលមានអត្រាខ្ពស់បំផុតរហូតដល់ ១០៤%ផងដែរ។

សូមបញ្ជាក់ជូនថា អត្រាពន្ធលើផលិតផលចិនមួយចំនួនដែលមានកម្រិតរហូតដល់ ១០៤%នេះ គឺជាអត្រាពន្ធថ្មីមួយដែលបានកើតឡើង ក្រោយលោកប្រធានាធិបតី ដូណាល់ ត្រាំ ទើបសម្រេចបន្ថែមអត្រាពន្ធចំនួន ៥៤%បន្ថែមទៀតទៅលើទំនិញទូទៅរបស់ចិនកាលពីពេលថ្មីៗនេះ។ ឆ្លើយតបនឹងការដំឡើងពន្ធក្នុងអត្រាដ៏ខ្ពស់នេះ រដ្ឋាភិបាលចិនបានបង្ហាញជំហរថា នឹងតស៊ូប្រយុទ្ធប្រឆាំងជាមួយអាមេរិករហូតដល់ទីបញ្ចប់ ហើយចិននឹងមិនចុះញ៉មជាមួយនឹងនយោបាយលោក ដូណាល់ ត្រាំ ឡើយ៕

អត្ថបទ៖ ភក្តី

ប្រភព៖ Channel News Asia