អាមេរិកសម្រេចហាមឃាត់ពលរដ្ឋមកពីប្រទេសចំនួន ១២ មិនឱ្យធ្វើដំណើរចូលទឹកដីអាមេរិកជាដាច់ខាត

អាមេរិក៖ លោកប្រធានាធិបតីអាមេរិក ដូណាល់ ត្រាំ បានសម្រេចហាមឃាត់ពលរដ្ឋមកពីប្រទេសចំនួន ១២ មិនឱ្យធ្វើដំណើរចូលមកក្នុងទឹកដីអាមេរិកឡើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៥ ខែឧសភា។ សេចក្តីសម្រចនេះត្រូវបានធ្វើឡើងក្រោមហេតុផលដើម្បី “ការពារជនជាតិអាមេរិកពីតួអង្គបរទេសដ៏គ្រោះថ្នាក់”។

ប្រទេសទាំង ១២នោះរួមមាន៖

១.អាហ្វហ្គានីស្ថាន

២.មីយ៉ាន់ម៉ា

៣.ឆាដ

៤.កុងហ្គោ

៥.អេក្វាទ័រហ្គីណេ

៦.អេរីទ្រា

៧.ហៃទី

៨.អ៊ីរ៉ង់

៩.លីប៊ី

១០.សូម៉ាលី

១១.ស៊ូដង់

១២.យេម៉ែន។

ក្រៅតែពីបានសម្រេចធ្វើការហាមឃាត់ទាំងស្រុងចំពោះពលរដ្ឋមកពីប្រទេសទាំង ១២ខាងលើនេះហើយ សហរដ្ឋអាមេរិកក៏បានសម្រេចរឹតបន្តឹងទិដ្ឋការចំពោះប្រទេសចំនួន ៧ផ្សេងទៀតផងដែរ រួមមាន៖

១.ប៊ូរុនឌី

២.គុយបា

៣.ឡាវ

៤.សៀរ៉ាឡេអូន

៥.តូហ្គោ ៦.តូមិននីស្ថាន

៧.វ៉េណេស៊ុយអេឡា៕

អត្ថបទ៖ ភក្តី

ប្រភព៖  Channel News Asia