ចិន៖ លោកប្រធានាធិបតីចិន ស៊ី ជិនពីង បានថ្លែងថា ពិភពលោកអាចប្រឈមមុខទៅនឹងជម្រើសរវាងសន្តិភាព ឬសង្រ្គាមបាន នេះបើយោងតាមការចុះផ្សាយរបស់បណ្តាញសារព័ត៌មាន Reuters នៅរសៀលថ្ងៃទី៣ ខែកញ្ញា។ ការថ្លែងខាងលើនេះត្រូវបានធ្វើឡើងនៅក្នុងអំឡុងពេល ដែលលោក ស៊ី ជិនពីង ថ្លែងសុន្ទរកថាបើកពិធីព្យុហយាត្រាយោធាដ៏ធំមួយនៅទីក្រុងប៉េកាំង។

គួរកត់សម្គាល់ថា នៅក្នុងពិធីព្យុហយាត្រាយោធារបស់ប្រទេសចិនខាងលើនេះ ក៏មានការចូលរួមពីសំណាក់ប្រមុខដឹកប្រទេសកូរ៉េខាងជើង គឺលោក គីម ជុងអ៊ុន និងលោកប្រធានាធិបតីរុស្ស៊ី​ វ៉្លាឌីមៀរ ពូទីន ផងដែរ។​ ចំណុចដែលគួរឱ្យសម្គាល់មួយទៀតថា គឺចិនបានបង្ហាញនូវអាវុធទំនើបជាច្រើន រួមមានទាំងអាវុធឡាស៊ែរ មីស៊ីលផ្លោងនុយក្លេអ៊ែរ និងដ្រូនក្រោមទឹកផងដែរ។ សូមបញ្ជាក់ជូនថា ការរៀបពិធីព្យុហយាត្រាយោធាទ្រង់ទ្រាយធំខាងលើនេះ គឺត្រូវបានរៀបចំឡើងចំខួបលើកទី ៨០ នៃជ័យជម្នះរបស់ប្រទេសលើប្រទេសជប៉ុនក្នុងសង្គ្រាមលោកលើកទីពីរផងដែរ៕

អត្ថបទ៖ ភក្តី

ប្រភព៖ Reuters