អាមេរិក៖ ក្រុមហ៊ុន Meta ទើបបានបញ្ចេញវ៉ែនតាឆ្លាតវ័យមួយប្រភេទ ដែលមានឈ្មោះថា Oakley ក្នុងតម្លៃ ៤៩៩ដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៨ ខែកញ្ញា។ វ៉ែនតា Oakley ត្រូវបានរចនាឡើងជាពិសេសសម្រាប់អត្តពលិក ដោយបានពាក់បំពាក់នូវបច្ចេកវិទ្យាទំនើបៗជាច្រើន ជាមួយនឹងថាមពលថ្ម ដែលអាចប្រើប្រាស់ក្នុងរយៈពេលរហូតដល់ ៩ម៉ោង។

មុខងារសំខាន់ៗរបស់វ៉ែនតា Oakley ឬមានឈ្មោះពេញថា Oakley Meta Vanguard រួមមាន៖

-មានកាមេរ៉ាសម្រាប់មើលសកម្មភាពនៅចំកណ្តាលវ៉ែនតា

-មានឧបករណ៍បំពងសំឡេង (Louder Speaker)

-មុខងារធន់នឹងទឹកបានខ្លាំង

-មានមុខងារកែសម្រួល​ (ពង្រីក​ឬបង្រួម) នៅលើដងវ៉ែនតា

-អាចភ្ជាប់ជាមួយនឹងកម្មវិធី AI របស់ក្រុមហ៊ុន Meta ដូចជាកម្មវិធី Garmin និង​ កម្មវិធី Strava បាន ដើម្បីតាមដានរយៈពេលនៃការធ្វើលំហាត់ប្រាណ ឬព័ត៌មានសង្ខេបនៃការធ្វើលំហាត់ប្រាណជាដើម។

សូមបញ្ជាក់ជូនថា​ វ៉ែនតា Oakley នឹងត្រូវដាក់លក់នៅក្នុងទីផ្សារសហរដ្ឋអាមេរិក និងកាណាដាជាផ្លូវការនៅក្នុងថ្ងៃទី ២១ ខែកញ្ញា ខាងមុខនេះ៕

អត្ថបទ៖ ភក្តី

ប្រភព៖ The Strait Time