ថៃ៖ នាយករដ្ឋមន្ត្រីថៃ លោក Anutin Charnvirakul បានឱ្យដឹងថា លោកគ្រោងនឹងធ្វើការរំលាយសភានៅចុងខែមករា ឆ្នាំ២០២៦ ដើម្បីរៀបចំការបោះឆ្នោតជាថ្មី នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៥ ខែកញ្ញា។ ចំពោះការបោះឆ្នោតជាទូទៅវិញ គឺគ្រោងនឹងរៀបចំឡើងនៅចុងខែមីនា ឬយ៉ាងយូរបំផុតនៅដើមខែមេសា។

គួររម្លឹកជូនថា លោក Anutin Charnvirakul បានឈ្នះការបោះឆ្នោតនៅក្នុងសភាថៃ ដើម្បីទទួលបានតំណែងជានាយករដ្ឋមន្ត្រីកាលពីដើមខែកញ្ញានេះ ហើយលោកគឺជានាយករដ្ឋមន្ត្រីទី៣ របស់ថៃផងដែរ ប់ើគិតចាប់តាំងពីឆ្នាំ ២០២៣មក។ សូមបញ្ជាក់ជូនថា លោក Anutin Charnvirakul គឺប្រធានគណបក្ស Bhumjaithai ដែលត្រូវបានបង្កើតឡើងនៅក្នុងឆ្នាំ​២០០៨ ហើយមុនពេលចូលកាន់តំណែងជានាយករដ្ឋមន្ត្រីថៃ លោក Anutin Charnvirakul ក៏ធ្លាប់មានតួនាទីជារដ្ឋមន្ត្រីក្រសួងសុខាភិបាល រដ្ឋមន្ត្រីក្រសួងមហាផ្ទៃ​ និងជាឧបនាយករដ្ឋមន្ត្រីផងដែរ៕

អត្ថបទ៖ ភក្តី

ប្រភព៖ The Strait Time