ក្រុមហ៊ុនរ៉ែជប៉ុន នឹងវិនិយោគទុន ៣លានដុល្លារសម្រាប់ការចាប់ផ្ដើមយករ៉ែនៅខេត្តស្ទឹងត្រែង

កាលពីថ្ងៃអង្គារកន្លងទៅនេះ ក្រុមហ៊ុនសាជីវកម្មជាតិ (Jogmec) ប្រេងកាត និងឧស្ម័នជាតិរបស់ជប៉ុនបានប្រកាសអំពីផែនការធ្វើអាជីវកម្ម ទៅលើសមាសធាតុទង់ដែង និងស័ង្កសីនៅភាគឦសានក្នុងខេត្តស្ទឹងត្រែង ដោយសហការជាមួយក្រុមហ៊ុនជប៉ុន Nittetsu Mining Co។

គួរបញ្ជាក់ផងដែរថា ក្រុមហ៊ុនទាំងពីរនេះបានធ្វើការស្ទាបស្ទង់តំបន់រ៉ែនេះរួចមកហើយ បន្ទាប់ពីទទួលបានសិទ្ធិរុករកពីរដ្ឋាភិបាលកម្ពុជាកាលពីខែមេសា និងបានចុះហត្ថលេខាលើអនុស្សរណៈយោគយល់គ្នាស្តីពីការស្ទង់ភូមិសាស្ត្រ ជាមួយនឹង ក្រសួងរ៉ែនិងថាមពលផងដែរ។ លើសពីនេះក្រុមហ៊ុន Jogmec និងក្រុមហ៊ុន Angkor Gold Corp បានប្រកាសថាពួកគេបានចុះកិច្ចព្រមព្រៀងរុករកប្រេងរួមគ្នា ដើម្បីស្វែងរកអាជ្ញាប័ណ្ណ Angkor’s Oyadao South license ដោយក្រុមហ៊ុន Jogmec នឹងវិនិយោគ ៣ លានដុល្លារក្នុងរយៈពេល ៣ ឆ្នាំដើម្បីរុករកតំបន់នោះ៕

អត្ថបទ៖ លីនី