ព្រះមហាក្សត្រ និងសម្តេចព្រះមហាក្សត្រី នឹងយាងធ្វើដំណើរទៅកាន់ទីក្រុងប៉េកាំង នៅថ្ងៃទី ២៧ ខែកុម្ភៈ ដើម្បីពិនិត្យព្រះរាជសុខភាព

(រាជធានីភ្នំពេញ)៖ យោងតាមការចុះផ្សាយពី ទូរទស្សន៍ជាតិកម្ពុជា ទទក នៅថ្ងៃទី ២៦ ខែកុម្ភៈ ឆ្នាំ ២០២៦ នេះ បានឱ្យដឹងថា នៅថ្ងៃទី ២៧ ខែកុម្ភៈ ឆ្នាំ ២០២៦ ព្រះករុណាព្រះបាទសម្ដេចព្រះបរមនាថ នរោត្ដម សីហមុនីព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នឹងស្តេចយាងធ្វើដំណើរទៅកាន់ទីក្រុងប៉េកាំង សាធារណរដ្ឋប្រជាមានិតចិន ដើម្បីពិនិត្យព្រះរាជសុខភាព។

នៅក្នុងឱកាសអវត្តមានរបស់ ព្រះករុណាព្រះបាទសម្ដេចព្រះបរមនាថ នរោត្ដម សីហមុនីព្រះមហាក្សត្រ ខាងលើនេះ សម្តេចអគ្គមហា សេនាបតីតេជោ ហ៊ុន សែន ប្រធានព្រឹទ្ធសភា នឹងទទួលជួយក្នុងព្រះបរមនាម ទូលព្រះបង្គំ ខ្ញុំព្រះករុណា ខ្ញុំ ជាប្រមុខរដ្ឋស្តីទី នៃព្រះរាជាណាចក្រកម្ពុជា៕

ប្រភព៖ ទូរទស្សន៍ជាតិកម្ពុជា ទទក