ព្រឹកនេះ សិស្សប្រលងបាក់ឌុប ដែលមិនពេញចិត្ត មិនសុខចិត្តនឹងលទ្ធផលបាននាំគ្នាមកតវ៉ាលទ្ធផលនៅមុខក្រសួងអប់រំ
- September 11, 2019
ភ្នំពេញ៖ បន្ទាប់ពីការប្រកាសលទ្ធផលប្រឡងមធ្យមសិក្សាទុតិយភូមិឆ្នាំ២០១៩ទូទាំងប្រទេសរួចមក ក៏មានអ្នករីករាយ រំភើប ដោយសារតែទទួលបាននិទ្ទេស និងលទ្ធផល ដូចតាមការរំពឹងទុក ប៉ុន្តែក៏មានបេក្ខជនមួយចំនួនទៀតដែលទទួលបានលទ្ធផលពុំជោគជ័យនៅក្នុងការប្រឡង មានអ្នកខ្លះមិនពេញចិត្តចំពោះលទ្ធផលដែលចេញមកខុសពីការរំពឹងទុក ដោយមានមុខវិជ្ជាខ្លះដែលខ្លួនពូកែ តែបែរជាលទ្ធផលចេញមកធ្លាក់ទៅវិញ។
ហេតុនេះហើយបានជានៅព្រឹកថ្ងៃទី១១ ខែកញ្ញា ឆ្នាំ២០១៩នេះ បេក្ខជនប្រឡងព្រមទាំងអាណាព្យាបាល ដែលកើតទុក្ខមិនសុខចិត្តនឹងលទ្ធផលបាក់ឌុបឆ្នាំ២០១៩បាននាំគ្នាមកតវ៉ានៅមុខក្រសួងអប់រំ យុវជន និងកីឡា ដើម្បីទាមទារឱ្យធ្វើការពិនិត្យសំណៅវិញ្ញាសាសរសេររបស់ពួកគេ ដោយខ្លាចថាមានកំហុសបច្ចេកទេសនៅពេលបូកពិន្ទុ ឬនៅពេលធ្វើកំណែ។
យោងតាមគណនីហ្វេសប៊ុក Chhay Leang Suy បានបង្ហោះរូបភាពព្រមទាំងរៀបរាប់ថា៖ “សិស្សវិទ្យាល័យដែលប្រលងបាក់ឌុបឆ្នាំនេះ(9/9/2019)មិនសុខចិត្តមកកាន់ក្រសួងអប់រំយុវជននិងកីឡានៅថ្ងៃទី11/កញ្ញា/2019 ។ ពួកគេសុំឲ្យក្រសួងពិនិត្យឯកសារប្រលងឡើងវិញ”៕ ព័ត៌មានលម្អិត និងមានការបកស្រាយពីក្រសួងអប់រំយ៉ាងណានោះ ខ្មែរណូតនឹងជម្រាបជូនពេលក្រោយ៕
- Share This Post: