ប្រធានសភាអាមេរិកប្រកាសជាផ្លូវការ ឱ្យមាននីតិវិធីបោះឆ្នោតទម្លាក់លោកប្រធានាធិបតី បន្ទាប់ពីលោក ដូណាល់ ដ្រាំ បានប្រើវិធីការទូត ដើម្បីបង្ខូចឈ្មោះគូប្រជែងនយោបាយ
ប្រធានសភាអាមេរិកអ្នកស្រី Nancy Pelosi បានប្រកាសថា តំណាងរាស្ត្រគ្រប់គ្រងដោយបក្សប្រជាធិបតេយ្យនឹងបើកការស៊ើបអង្កេតចោទប្រកាន់ជាផ្លូវការប្រឆាំងនឹងប្រធានាធិបតីបច្ចុប្បន្ន។ លោក Donald Trump ប្រឈមនឹងការចោទប្រកាន់អំពីការប្រើប្រាស់ការទូត ដើម្បីបង្អូចឈ្មោះគូប្រជែងនយោបាយគឺអតីតអនុប្រធានាធិបតីលោក Joe Biden ។
អ្នកស្រី Pelosi បានប្រកាសនៅថ្ងៃអង្គារថា សកម្មភាពរបស់លោក Trump តំណាងឱ្យការក្បត់នៃការស្បថចូលកាន់តំណែងរបស់គាត់សន្តិសុខជាតិ និងសុចរិតភាពនៃការបោះឆ្នោត។ អ្នកស្រី Pelosi បាននិយាយថា គណៈកម្មាធិសភាចំនួន ៦ នឹងធ្វើការស៊ើបអង្កេតរឿងនេះ។ អ្នកស្រីបាននិយាយថា ប្រធានាធិបតីត្រូវតែទទួលខុសត្រូវ ហើយគ្មាននរណាម្នាក់ស្ថិតនៅពីលើច្បាប់ឡើយ។ ការចោទប្រកាន់បានផ្ដោតលើការហៅទូរស័ព្ទរបស់លោក Trump ជាមួយប្រធានាធិបតីអ៊ុយក្រែនកាលពីខែកក្កដាថ្មីៗនេះ។
លោក Trump ត្រូវបានគេឱ្យដឹងថា បានដាក់សម្ពាធអ៊ុយក្រែនឱ្យស៊ើបអង្កេតអំពើពុករលួយពាក់ព័ន្ធនឹងលោក Joe Biden ដែលជាគូប្រជែងដ៏មានសក្តានុពល ដែលអាចមានប្រយោជន៍ដល់គាត់ក្នុងការបោះឆ្នោតប្រធានាធិបតីអាមេរិកនៅឆ្នាំក្រោយ។
លោក Trump បានប្រើវិធីបង្កកជំនួយយោធារបស់សហរដ្ឋអាមេរិកដល់អ៊ុយក្រែន ដើម្បីចូលរួមក្នុងកិច្ចសហប្រតិបត្តិការរបស់ខ្លួន។ ការចោទប្រកាន់នេះនាំឱ្យមានការអំពាវនាវកាន់តែច្រើនឡើងៗ ដើម្បីឱ្យមាននីតិវិធីបោះឆ្នោតទម្លាក់លោកប្រធានាធិបតីក្នុងចំណោមអ្នកប្រជាធិបតេយ្យ ដែលជំរុញឱ្យអ្នកស្រី Pelosi ត្រូវមានប្រុងប្រយ័ត្នលើការចាប់ផ្តើមការស៊ើបអង្កេតជាផ្លូវការ។
កាលពីថ្ងៃអង្គារលោក Trump បានទទួលស្គាល់ថា បានបិទជំនួយយោធាទៅអ៊ុយក្រែនពិតមែន ប៉ុន្តែបានបដិសេធរាល់ការដាក់សម្ពាធ។ បន្ទាប់ពីការប្រកាសរបស់អ្នកស្រី Pelosi ប្រធានាធិបតីរូបនេះបានសរសេរលើ Twitter ថា៖ «ពួកគេមិនទាំងបានឃើញការកត់ត្រានៃការហៅទូរស័ព្ទផង។ សុទ្ធតែពួកអាបធ្មប់!» និងសារជាច្រើនតគ្នាផ្សេងៗទៀត៕
អត្ថបទ៖ លីដា