កំពូលអ្នកប្រដាល់ក្នុងទ្រុង Conor McGregor ត្រូវប៉ូលិសចាប់វាយខ្នោះ ដោយសារតែ…

កំពូលកីឡាករ UFC ឬ អ្នកខ្លះហៅថាកីឡាវាយក្រុងទ្រុង Conor McGregor ត្រូវបានប៉ូលិសចាប់ខ្លួន និងបញ្ចូនទៅកាន់តុលាការ បន្ទាប់ពីកំពូលកីឡាកររូបនេះបានប្រើប្រាស់អំពើហិង្សា និងវាយបំផ្លាញរថយន្តក្រុងទាំងកំរោលនៅ មជ្ឈមណ្ឌល Barclays ក្រុងNew York សហរដ្ឋអាមេរិក។

គួរបញ្ជាក់ថាអំពើហិង្សា និងវាយបំផ្លាញរថយន្តក្រុងមួយ កើតឡើងនៅមជ្ឈមណ្ឌល Barclays បន្ទាប់ពីលោក Dana White ប្រធានសព័ន្ធកីឡា UFC បាននិយាយក្នុងសន្និសិទ្ធសារព័ត៌មានថា “ខ្ញុំមិនដឹងច្បាស់ថាកីឡារ Conor McGregor នឹងត្រូវឡើងវាយម្តងទៀតបាននោះទេ”។ ការលើកឡើង នេះហើយដែរធ្វើឲ្យកីឡាករ Conor McGregor​ ខឹងជាខ្លាំង ហើយមិនអាចទប់កំហឹងបាន និងឈានទៅប្រព្រឹត្ត សកម្មភាពដូចខាងលើតែម្តង។

ក្រោយហេតុការណ៍នេះ តុលាការសម្រេចចោទកីឡាករ Conor McGregor ​ពីបទប្រើប្រាស់អំពើហិង្សា ៣ ករណី និងជាប់ពាក់ព័ន្ធជាមួយករណីព្រហ្មទណ្ឌវាយបំផ្លាញធ្វើឲ្យខូចទ្រព្យសម្បត្តិអ្នកដទៃ ១ ករណីផងដែរ។​ យ៉ាងណាក្តី កីឡាករូបនេះបានប្រាប់ក្រុមអ្នកសារព័ត៌មានថា គាត់មិនស្តាយក្រោយចំពោះអ្វីដែលគាត់បានធ្វើនោះទេ៕

អត្ថបទ៖ ភក្តី

ប្រភព៖ smh