Dell បង្ហាញនូវផលិតផល XPS និង Inspiron Portfolio ដែលមានថាមពលខ្លាំង និងមានការរចនាដ៏ស្រស់ស្អាត

ព្រះរាជាណាចក្រកម្ពុជា ភ្នំពេញ ថ្ងៃទី 12 ខែធ្នូ ឆ្នាំ 2019៖ ក្រុមហ៊ុន Dell បានបង្ហាញនូវ Dell XPS និង Inspiron Portfolio ថ្មី ផ្តល់លោកអ្នកនូវអ្វីដែលល្អបំផុតក្នុងពិភពលោក វាមានដំណើរការកម្រិតធ្ងន់ជាមួយនឹងការរចនាដ៏ស្តើងស្រាលយ៉ាងស្រស់ស្អាត។

• Dell ផ្តល់នូវអ្វីដែលល្អបំផុតក្នុងពិភពលោក – មានដំណើរការកម្រិតធ្ងន់ជាមួយនឹងការរចនាដ៏ស្តើងស្រាលយ៉ាងស្រស់ស្អាត
• XPS 13 2-in-1 ថ្មី ផ្តល់នូវការរចនាដ៏ទំនើប មានដំណើរការកាន់តែខ្លាំង និងអេក្រង់បង្ហាញធំជាងមុនជាមួយកម្រិត Aspect Ratio 16:10
• កុំព្យូទ័រយួរដៃ Dell Inspiron ថ្មី ផ្តល់ជូននូវថាមពលខ្លាំង និងការរចនាស្រស់ស្អាតដែលសក្តិសមសម្រាប់តម្រូវការអតិថិជន
• Eyesafe® display ជាបច្ចេកវិទ្យាសម័យថ្មីដែលជាដំណោះស្រាយក្នុងការកាត់បន្ថយនូវផលប៉ះពាល់ដោយសារពន្លឺខៀវដោយអាចរក្សានូវពណ៌ដ៏ស្រស់ស្អាតដដែល

ព័ត៌មានលម្អិត
Dell តែងតែស្តាប់នូវតម្រូវការរបស់អតិថិជន និងអ្វីដែលពួកគាត់ចង់បានសម្រាប់ PCs របស់គាត់ដែលមានដូចជា ភាពងាយស្រួលក្នុងការប្រើប្រាស់ ប្រព័ន្ធដំណើរការដែលមានថាមពលខ្លាំង ការរចនាដ៏ស្រស់ស្អាត និងផលិតផលដែលសក្តិសមទៅនឹងបែបផែនជីវិតរបស់ពួកគាត់។ ថ្ងៃនេះ Dell ផ្តល់នូវតម្រូវការទាំងអស់នេះក្នុងផលិតផលថ្មីដែលត្រូវបានបង្ហាញនៅរាជធានីភ្នំពេញ ព្រះរាជាណាចក្រកម្ពុជា។ ផលិតផលថ្មីនេះបានបង្ហាញពីតុល្យភាពរវាងបទពិសោធន៍នៃការប្រើប្រាស់ និងការរចនា ដែលវាជាការអភិវឌ្ឍន៍បច្ចេកវិទ្យាមួយកម្រិតថែមទៀតរបស់ Dell ជាមួយនឹងការផលិតដ៏ផ្ចិតផ្ចង់ គ្រប់ផ្នែកមានភាពល្អឥតខ្ចោះ និងថាមពលខ្លាំងសម្រាប់ដំណើរការកម្រិតធ្ងន់ ជាមួយនឹងសែស្រឡាយ XPS និងផលិតផលដ៏មានសក្តានុពល Inspiron។

ថ្ងៃនេះ Dell បានបច្ចេញនូវបច្ចេកវិទ្យាកុំព្យូទ័រចុងក្រោយបំផុតរបស់ខ្លួនដែលប្រើប្រាស់បច្ចេកវិទ្យាដែលទទួលបានពីបទពិសោធន៍នៃការប្រើប្រាស់ទូរស័ព្ទដៃ។ ក្រុមហ៊ុនបានពង្រីកនូវវិសាលភាពសម្រាប់អតិថិជនជាមួយនឹងបច្ចេកវិទ្យាថ្មីសន្លាងដែលដំណើរការដោយ 10th Gen Intel® Core™ processors សម្រាប់ម៉ូឌែល XPS និង Inspiron ស៊េរីថ្មី ដើម្បីឱ្យមានប្រព័ន្ធដំណើរការដ៏ខ្លាំងក្លាអាចបំពេញនូវតម្រូវការនៃការប្រើប្រាស់សម្រាប់កម្មវិធីធំៗ និងដំណើរការកម្មវិធីច្រើនក្នុងពេលតែមួយបាន ខណៈដែលកម្រិតបង្ហាញរូបភាពនៅរក្សាដល់កម្រិត 4K ដែលវាអាចផ្តល់នូវភាពងាយស្រួលបំផុត។ ដោយសារតែមានប្រព័ន្ធដំណើរការខ្លាំងក្លា វាអាចជួយឱ្យអ្នកប្រើប្រាស់អាចប្រើប្រាស់ក្នុងកម្រិតធ្ងន់បានជាមួយនឹងការរចនាដ៏ស្តើងហើយស្រាលងាយស្រួលក្នុងការយកតាមខ្លួន វាពិតជាល្អបំផុតសម្រាប់ម៉ូឌែលទាំងពីរនេះ។

លោកស្រី Sadanan Yodpradoo ដែលជា Country Manager, The Rest of Indochina covering Cambodia, Laos and Myanmar, Dell Technologies បានមានប្រសាសន៍ថា “នៅក្នុងសម័យកាលដែលពេញនិយមនូវការផលិតនូវផលិតផលស្តើង ហើយស្រាលនេះ យើងបានយល់ឃើញថាវាមិនត្រឹមតែជាការប្រកួតប្រជែងផលិតនូវផលិតផលដែលតូចជាងមុនសម្រាប់អតិថិជនប៉ុណ្ណោះទេ ប៉ុន្តែពួកគាត់ក៏ចង់បាននូវកុំព្យូទ័រដែលមានការអភិវឌ្ឍន៍ មានប្រព័ន្ធទំនាក់ទំនងខ្លាំង មានថាមពលខ្លាំង និងមានការរចនាដ៏ល្អឥតខ្ចោះផងដែរ។” លោកស្រី បានបន្ថែមទៀតថា “ដោយការបន្ថែមទៅលើប្រព័ន្ធដំណើរការ 10th Gen processors ថ្មីរបស់ Intel នេះ យើងអាចផ្តល់នូវប្រព័ន្ធដំណើរការដ៏ខ្លាំងក្លាអាចបំពេញនូវតម្រូវការនៃការប្រើប្រាស់សម្រាប់កម្មវិធីធំៗ និងដំណើរការកម្មវិធីច្រើនក្នុងពេលតែមួយបាន នៅក្នុងកុំព្យូទ័រដែលមានការរចនាដ៏ស្រស់ស្អាត។

XPS 13 2-in-1 ថ្មី – ទំនើប ការរចនាស្តើង ជាមួយប្រព័ន្ធដំណើរការខ្លាំងជាងមុនរហូតដល់ 2.5 ដង

XPS របស់ Dell ជាសែស្រឡាយទទួលបានពានរង្វាន់ច្រើនជាងគេដែលត្រូវបានប្រារព្ធពិធីដើម្បីអបអរសាទរនូវបច្ចេកវិទ្យាដ៏ល្អបំផុត ការផលិតដ៏ពិសេស ប្រើប្រាស់គ្រឿងបន្លាស់ដែលមានគុណភាពខ្ពស់ និងមានសមត្ថភាពដែលអាចរួមបញ្ចូលទាំងថាមពល និងភាពស្រស់ស្អាតក្នុងម៉ាស៊ីនតែមួយ។ Dell បានប្រតិបត្តិនូវការប្តេជ្ញាចិត្តនេះឱ្យឈានទៅមុខមួយកម្រិតថែមទៀតនោះគឺ XPS 13 2-in-1 ថ្មី។ វាជាកុំព្យូទ័រយួរដៃដំបូងគេបំផុតដែលត្រូវបានទទួលស្គាល់ដោយ Project Athena ដោយប្រើប្រាស់នូវប្រព័ន្ធដំណើរការ 10th Gen CoreTM របស់ Intel ជាប្រភេទ 10-nanometer silicon។

បទពិសោធន៍ថ្មីនៃការបង្ហាញរូបភាពជាមួយនឹងផលិតផល 2-in-1 ថ្មីរួមបញ្ចូលក្នុងអេក្រង់តែមួយ ដែលមានដូចជាអេក្រង់បង្ហាញរូបភាពប្រភេទ InfinityEdge display មានទំហំ 7% ធំជាងមុន មានកម្រិត Aspect Ratio 16:10 រួមជាមួយនឹងបច្ចេកវិទ្យា Dolby Visioni ។ លើសពីនោះទៅទៀតកម្រិតបង្ហាញរូបភាព UHD+ display បានផ្តល់លោកអ្នកនូវពណ៌ជាក់ស្តែងពិតៗ កម្រិតបង្ហាញរូបភាពយ៉ាងច្បាស់គ្រប់ចំណុចទាំងអស់ និងមានរូបភាពត្រជាក់ភ្នែក ហើយលោកអ្នកអាចរីករាយជាមួយនឹងបច្ចេកវិទ្យា HDR ជាមួយនឹង HDR400 ដែលត្រូវបានទទួលស្គាល់ដោយ UHD+ panel។ ជាមួយគ្នានេះផងដែរវាក៏ត្រូវបានរួមបញ្ចូលជាមួយនឹងកាមេរ៉ា (at 2.25mm) ដ៏ឆ្លាតវៃបំផុតរបស់ Dell នៅខាងលើគែមអេក្រង់ ដែលឆ្លើយតបទៅនឹងតម្រូវការរបស់អតិថិជន។

Dell XPS 13 2-in-1 ថ្មីជាកុំព្យូទ័រយួរដៃដំបូងគេបំផុតដែលត្រូវបានបំពាក់ជាមួយប្រព័ន្ធដំណើរការ 10th Gen Intel Core processors របស់ Intel និងមានដំណើរការដ៏ខ្លាំងក្លាដោយបច្ចេកវិទ្យា Intel Dynamic Tuning Technology ចុងក្រោយបង្អស់ ដោយមានមុខងារដំណើរការឆ្លាស់ថាមពលនៃ CPU អាស្រ័យទៅលើទំហំការងារដែលកំពុងតែដំណើរការនៅលើកុំព្យូទ័រ។

វាជា KillerTM AX1650 (2×2) ថ្មីដែលត្រូវបានផលិតជាមួយ Intel WiFi 6 Chipset ដែលផ្តល់នូវការតភ្ជាប់ Wireless គ្មានខ្សែលឿនជាងជំនាន់មុនរហូតដល់ 3 ដង។ The Killer 1650 នឹងធ្វើការដោយស្វ័យប្រវត្តក្នុងការកំណត់ ចែកថ្នាក់ និងផ្តល់អត្ថិភាព ក្នុងការបើកវីដេអូលើអ៊ីនធើណែត ការភ្ជាប់ទំនាក់ទំនង និងការដំណើរការហ្គេម ដែលអនុញ្ញាតឱ្យអ្នកប្រើប្រាស់អាចរីករាយជាមួយនឹងបទពិសោធន៍ក្នុងការបើកអ៊ីនធើណែតកាន់តែលឿនជាងមុន។

ទំលាប់នៃការប្រើប្រាស់ឧបករណ៍អេឡិចត្រូនិចបច្ចុប្បន្ន មនុស្សគ្រប់គ្នាចូលចិត្តសម្លឹងមើលអេក្រង់រហូតដល់រាប់ម៉ោងជារៀងរាល់ថ្ងៃ ដូច្នេះពួកគាត់បានសម្លឹងមើលពន្លឺពណ៌ខៀវយ៉ាងច្រើន។ ដើម្បីកាត់បន្ថយនូវផលប៉ះពាល់នៃពន្លឺពណ៌ខៀវនេះ ប៉ុន្តែនៅតែរក្សាពណ៌ឱ្យច្បាស់ត្រជាក់ភ្នែកល្អនោះ Dell បាននាំមកនូវបច្ចេកវិទ្យាថ្មី Eyesafe® displays ឱ្យដំណើរការក្នុង XPS 13 2-in-1 ថ្មី ដើម្បីកាន់បន្ថយពន្លឺពណ៌ខៀវដែលមានផលប៉ះពាល់ និងបំបែកវានៅទូទាំងវិសាលគមនៃពន្លឺ។

ក្នុងនាមជាអ្នកឈ្នះនូវពានរង្វាន់ COMPUTEX d&i Award ផលិតផល 2-in-1 ថ្មី គឺជាសក្ខីបទរបស់ Dell ដែលបានយកចិត្តទុកដាក់យ៉ាងល្អិតល្អន់ក្នុងការរួមបញ្ចូលគ្នានូវសិល្បៈហត្ថកម្មដោយអ្នកជំនាញ ជាមួយនឹងគ្រឿងបន្លាស់ដែលមានគុណភាពដ៏ល្អប្រណិត។ ផលិតម៉ាស៊ីន CNC ស្រោបដោយអាលុយមីញ៉ូម ជាមួយនឹងគែមសងខាងមានពណ៌ពេជ្រដ៏ល្អប្រណីត កន្លែងដាក់ដៃផលិតពីសរសៃកាបូនពណ៌ខ្មៅ និងស្រោបដោយកញ្ចក់ Gorilla Glass 6 ដោយមានភាពជាប់ធន់ និងស្រស់ស្អាតផងដែរ។ Dell ក៏បានរួមបញ្ចូលនូវលក្ខណៈពិសេសជាច្រើនទៀតដូចជា touchpad ធំជាងមុន ក្តាចុចមានរចនាបទ edge-to-edge MagLev និងត្រចៀកបិតបើកថ្មីត្រូវបានរចនាដោយដៃដោយមានការយកចិត្តទុកដាក់ខ្លាំងបំផុត។ ការរួមបញ្ចូលគ្នានូវបទពិសោធន៍នៃការប្រើប្រាស់ដ៏ល្អឥតខ្ចោះ ជាមួយនឹងការរចនាដ៏ស្រស់ស្អាត នៅក្នុងរូបរាងដ៏តូចស្តើង។

កុំព្យូទ័រយួរដៃ Inspiron ថ្មី – ថាមពលខ្លាំង និងការរចនាដ៏ស្រស់ស្អាត សក្តិសមនឹងអតិថិជនគ្រប់រូប

Dell ក៏បាននាំមកជូនលោកអ្នកនូវកុំព្យូទ័រយួរដៃ Inspiron ថ្មី ដែលប្រើប្រាស់បានច្រើនយ៉ាង និងងាយស្រួល ហើយ 2-in-1 ជាមួយនឹងការរចនាដ៏ថ្មីសន្លាង មានមុខងារពិសេសៗ និងតម្លៃសមរម្យ។ ដូច្នេះឥឡូវនេះអ្នកទាំងអស់គ្នាអាចទទួលបាននូវអ្វីដែលអាចបំពេញនូវតម្រូវការរបស់អ្នក និងអាចបង្ហាញនូវសក្តានុពលដ៏អស្ចារ្យរបស់អ្នកបាន។

ជាមួយនឹងប្រព័ន្ធដំណើរការចុងក្រោយបំផុត 10th Gen Intel® Core™ processors Dell បានផ្តល់ជូនលោកអ្នកនូវថាមពលដ៏ខ្លាំងក្លាសម្រាប់ដំណើរការកម្មវិធីច្រើនក្នុងពេលតែមួយ ដែលមាននៅក្នុងសែស្រឡាយ Inspiron ថ្មីរបស់ Dell ដូចជា Inspiron 15 5000 ជាដើម។ Inspiron 5490 ត្រូវបានរួមបញ្ចូលនូវលក្ខណៈសម្បត្តិនិងមុខងារពិសេសៗជាច្រើនដែលត្រូវបានរចនាឡើងដើម្បីផ្តល់នូវទំនុកចិត្ត និងធ្វើការងារបានច្រើនយ៉ាង ហើយក៏ផ្តល់នូវជម្រើសពណ៌ជាច្រើនផងដែរដូចជាពណ៌ Platinum Silver, Iced Lilac, Iced Mint, និង Iced Gold។ វានៅតែផ្តល់ជូនលោកអ្នកនូវមុខងារពិសេសៗជាច្រើនដូចជា អេក្រង់ស្ទើតែគ្មានគែម 3 ជ្រុងដោយអាចទស្សនាជាមួយនឹងទិដ្ឋភាពដ៏ធំទូលាយ មានមុខងារស្កេនម្រាមដៃរហ័សហើយមានសុវត្ថិភាព ការរចនាប្រព័ន្ធបន្ថយកម្តៅថ្មីដោយផ្លុំខ្យល់ក្តៅចេញតាមត្រចៀកបិទបើកដែលត្រូវបានលាក់បាំងយ៉ាងជិត និងស្រោបដោយសារធាតុអាលុយមីញ៉ូមដែលធ្វើឱ្យផលិតផលនេះកាន់តែមានប្រណិតភាពថែមមួយកម្រិតទៀត។

ការរចនាប្រព័ន្ធបន្ថយកម្តៅថ្មីត្រូវបានប្រើប្រាស់នូវរូបមន្ត និងឧបករណ៍វាស់ល្បឿនដ៏ទំនើប ដើម្បីស្វែងយល់នៅពេលដែលវាត្រូវបានដាក់បាំងនឹងរន្ធកង្ហារ ដូច្នេះវានឹងបន្ថែមថាមពលដើម្បីទទួលបានដំណើរការល្អបំផុត។

លើសពីនេះទៅទៀតប្រព័ន្ធរបស់ Dell Inspiron 5000 series និង AIO (All-in-One) ក៏ត្រូបានអភិវឌ្ឍជាមួយនឹងបព័ន្ធដំណើរការថ្មី 10th Gen Intel® Core™ processors ផងដែរ ដែលមានដូចជា៖
• Inspiron 13 5000 (5391) ផ្តល់នូវភាពងាយស្រួលក្នុងការយកតាមខ្លួន ជាមួយនឹងរូបរាងស្តើង និងមាន 2 ពណ៌ – Platinum Silver និង Iced Lilac
• Inspiron 14 5000 2-in-1 (5491) ផ្តល់នូវភាពងាយស្រួលសម្រាប់ប្រើប្រាស់បានមុខងារច្រើនយ៉ាង មានមុខងារបត់បែនបាន 4 យ៉ាង និងអេក្រង់បង្ហាញបែប Cinema ជាមួយនឹងការរចនារូបរាងដ៏តូចស្តើង
• Inspiron 25 5000 (AIO 5490) ការរចនាប្រកបដោយភាពឆ្លាតវៃមានទំហំ 24 inch រួមបញ្ចូលនៅក្នុង Desktop តែមួយជាមួយនឹងប្រព័ន្ធដំណើរការចុងក្រោយបំផុត 10th Gen Intel® Core™ processors ការបង្ហាញរូបភាព InfinityEdge display អង្គផ្គុកទិន្នន័យមានភាពងាយស្រួល មុខងារ Dell Cinema និង កាមេរ៉ាលោតចេញមកក្រៅ។

លោកអ្នកអាចរកទិញបាននូវគ្រប់ផលិតផលទាំងអស់នៅតាមបណ្តាហាងចែកចាយផ្លូវការ Dell
សូមឆែកនៅតាមហាងចែកចាយផ្លូវការ Dell តាមរយៈ facebook.com/inspiredyourlife
• Dell XPS 13 7000 2-in-1 (7390 2-in-1)
• Dell Inspiron 13 5000 (5391)
• Dell Inspiron 14 5000 (5490,5491)
• Dell Inspiron 24 AIO (5490)

សម្រាប់ព័ត៌មានបន្ថែមសូមទំនាក់ទំនងជាមួយ Dell Cambodia តាមរយៈ Facebook

អំពី Dell Technologies
Dell Technologies (NYSE: DELL) គឺជាគ្រួសារអាជីវកម្មដែលជួយដល់ស្ថាបន និងបុគ្គលិកភាពក្នុងការពង្រីកវិសាលភាពឌីជីថលទៅថ្ងៃអនាគត ផ្លាស់ប្តូរគ្នាពីរបៀបធ្វើការ រស់នៅ និងការកម្សាន្ត។ ក្រុមហ៊ុនបានផ្តល់អតិថិជននូវវិសាលភាពសេវាកម្ម និងបច្ចេកវិទ្យាដ៏ទំនើប និងធំទូលាយបំផុតរបស់ឧស្សាហកម្មចាប់ពី edge និង core រហូតដល់ cloud។

ទំនាក់ទំនង៖
Elizabeth R. Pabunag
Email: Elizabeth.Pabunag@dell.com
Telp: +62 817-4809-941

Burson Cohn & Wolfe
Email: CW-Indonesia-Dell-Team@cohnwolfe.com