ព័ត៌មានជាតិ
  • ជូនដំណឹង! មានអ្នកជំងឺកូវីដ ធ្លាប់ទៅចាក់វ៉ាក់សាំងនៅ សាលាបឋមសិក្សា ស្ទឹងមានជ័យ កាលពីព្រឹកថ្ងៃទី៦ ខែឧសភា
    ព័ត៌មានជាតិ
    May 7, 2021 Khmernote Media

    យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានឲ្យដឹងថា សូមពាក់ម៉ាស់ រក្សារគម្លាត ឧស្សាហ៍លាងដៃ ពេលចេញក្រៅ​ និង សូមអំពាវនាវដល់ប្រជាពលរដ្ឋ ដែលបានទៅចាក់វ៉ាក់សាំងនៅសាលាបឋមសិក្សា ស្ទឹងមានជ័យ ដែលមានទីតាំងស្ថិតនៅផ្លូវលេខ​ ២១៧ សង្កាត់ស្ទឹងមានជ័យ៣ ខណ្ឌមានជ័យនៅថ្ងៃទី៦ ខែឧសភា ឆ្នាំ២០២១ ពេលព្រឹក ដោយមូលហេតុ៖ អ្នកជំងឺកូវីដ១៩​​ បានទៅចាក់វ៉ាក់សាំងនៅទីតាំងខាងលើនេះ។ សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ។

  • ក្រសួងអប់រំ ប្រកាសដាក់ឲ្យប្រើ App ថ្មី សម្រាប់រៀនតាមអនឡាញ ពីថ្នាក់ទី១ ដល់ថ្នាក់ទី១២ ដោយឥតគិតថ្លៃ
    ព័ត៌មានជាតិ
    May 7, 2021 Khmernote Media

    វិទ្យុជាតិកម្ពុជា ៖ លោកស្រី ប៉ុង សុភាវី ភ្នំពេញ ៖ ក្រសួងអប់រំ យុវជននិងកីឡា និងដៃគូអភិវឌ្ឍន៍បានសហការ ប្រកាសបើកជាផ្លូវការ នៅថ្ងៃទី៧ ខែឧសភានេះ ដាក់ឱ្យប្រើប្រាស់នូវកម្ម វិធីស្វ័យសិក្សា «MoEYS E-learning» ដែលជាកម្មវិធីរៀនតាមអនឡាញ តាមទូរស័ព្ទដៃឆ្លាតវៃ ដើម្បីជួយសម្រួលឱ្យសិស្សានុសិស្ស អាចស្វ័យសិក្សាបន្ដក្នុង App តែមួយបាន។ អ្នកយកព័ត៌មានយើងធ្វើសេចក្ដីរាយការណ៍បន្ថែម…… ឯកឧត្តម រស់ សុវាចា អ្នក នាំពាក្យក្រសួងអប់រំ យុវជន និងកីឡា បានប្រាប់វិទ្យុជាតិកម្ពុជាឱ្យដឹងថា នៅថ្ងៃទី០៧ ខែឧសភា

  • រដ្ឋបាលខេត្តបន្ទាយមានជ័យ ប្រកាសរកឃើញអ្នកជំងឺកូវីដ-១៩ ចំនួន៥នាក់ ក្នុងស្រុកម៉ាឡៃ
    ព័ត៌មានជាតិ
    May 7, 2021 srey nuch

    ខេត្តបន្ទាយមានជ័យ៖ យោងតាមការចុះផ្សាយរបស់ រដ្ឋបាលខេត្តបន្ទាយមានជ័យ​ បានចេញសេចក្ដីជូនដំណឹង ស្ដីពីការរកឃើញវិជ្ជមានកូវីដ-១៩ ទៅលើ បុរស ស្ត្រី ០៥នាក់ នៅផ្សារម៉ាឡៃ ឃុំម៉ាឡៃ ស្រុកម៉ាឡៃ ត្រូវបានធ្វើតេសវិជ្ជមានកូវីដ១៩ (Rapid Test) នៅថ្ងៃទី០៦ ឧសភា ឆ្នាំ២០២១ បានរកឃើញវិជ្ជមានកូវីដ-១៩ ដែលជាករណីឆ្លងនៅក្នុងសហគមន៍ ២០កុម្ភៈ ២០២១ លើ បុរស ស្រ្តី ជនជាតិខ្មែ ចំនួន០៥នាក់ ដូចមានរាយឈ្មោះដូចខាងក្រោម៖ ១.ឈ្មោះ ធិន សុភី ភេទស្រី អាយុ ២៩ឆ្នាំ

  • រដ្ឋបាលខេត្តបន្ទាយមានជ័យ សម្រេចបិទផ្សារម៉ាឡៃ ២សប្តាហ៍ ដោយសារជាប់ពាក់ព័ន្ធការឆ្លងរាលដាលជំងឺកូវីដ១៩
    ព័ត៌មានជាតិ
    May 7, 2021 Khmernote Media

    យោងតាមការបញ្ជាក់ពី រដ្ឋបាលខេត្តបន្ទាយមានជ័យ បានឲ្យដឹងថា រដ្ឋបាលខេត្តសម្រេចបិទផ្សារម៉ាឡៃ ស្ថិតនៅភូមិវាលហាត់ ឃុំម៉ាឡៃ ស្រុកម៉ាឡៃ ដែលជាទីតាំងមានការពាក់ព័ន្ធនឹងការឆ្លងរាលដាលនៃជំងឺកូវីដ១៩ ក្នុង ព្រឹត្តិការណ៍សហគមន៍ ២០កុម្ភៈ ជាបណ្តោះអាសន្ន សម្រាប់រយៈពេល ២សប្តាហ៍ គិតចាប់ពីថ្ងៃទី០៧ ខែឧសភា ឆ្នាំ២០២១ រហូតដល់ថ្ងៃទី១៩ ខែឧសភា ឆ្នាំ២០២១ ក្នុងគោលបំណងធានាដល់ប្រសិទ្ធភាព នៃការគ្រប់គ្រងការឆ្លងរាលដាលនៃជំងឺកូវីដ១៩ ក្នុងព្រឹត្តិការណ៍ សហគមន៍ ២០កុម្ភៈ នៅភូមិសាស្ត្រដែលត្រូវបិទ និងទប់ស្កាត់ជំងឺនេះ មិនឲ្យឆ្លងរីករាលដាលទៅកាន់តំបន់ផ្សេងទៀត រហូតមានការចេញសេចក្តីសម្រេចជាថ្មី៕

  • រដ្ឋបាលខេត្តត្បូងឃ្មុំ ធ្វើការបកស្រាយករណីបាក់រលំដើមពោធិជើងខោល ប្រវត្តិស្នេហ៍ ទុំ និងទាវ កាលពីម្សិលមិញ
    ព័ត៌មានជាតិ
    May 7, 2021 Khmernote Media

    យោងតាមការបញ្ជាក់ពី រដ្ឋបាលខេត្តត្បូងឃ្មុំ បានឲ្យដឹងថា ឃើញនៅតាមបណ្តាញសង្គមហ្វេសប៊ុក មានការផ្សព្វផ្សាយតៗគ្នា នូវរូបភាពដួលរលំដើមពោធិ ០១ដើម ដែលមានខ្លឹមសារថា បន្ទាប់ពីមានភ្លៀងធ្លាក់ចំនួន២មេធំៗជាប់គ្នា ដោយលាយឡំជាមួយខ្យល់កន្ត្រាក់ផង នាថ្ងៃទី០៦ ខែឧសភា ឆ្នាំ២០២១ វេលាម៉ោង ៤ និង៣០នាទីរសៀល បានបណ្តាលឲ្យដើមពោធិជើងខោល ប្រវត្តិស្នេហ៍ ទុំ និងទាវ ស្ថិតនៅភូមិជើងខាល ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ បានដួលរលំហើយ។ រដ្ឋបាលខេត្តបានធ្វើការបញ្ជាក់ថា ដើមពោធិដែលបានដួលរលំខាងលើនេះ មានឈ្មោះថា ដើមពោធិ លោកតាក្រហមក ដែលមានចម្ងាយប្រមាណ៧០ម៉ែត្រ ពីដើមពោធិជើងខាល ប្រវត្តិស្នេហ៍ ទុំ

  • ខ្យល់កន្ត្រាក់ខ្លាំង បណ្ដាលឲ្យបាក់អង់តែនវិទ្យុមួយ ដួលរលំលើដំបូលផ្ទះប្រជាពលរដ្ឋចំនួន២ខ្នងផ្ទះ
    ព័ត៌មានជាតិ
    May 7, 2021 Khmernote Media

    រាជធានីភ្នំពេញ ៖ មានករណីខ្យល់កន្ត្រាក់ខ្លាំង បណ្ដាលឲ្យបាក់អង់តែនវិទ្យុឆ្នេរទន្លេ(១០២) ហើយបានដួលរលំលើដំបូលផ្ទះប្រជាពលរដ្ឋចំនួន២ខ្នងផ្ទះ។ ហេតុការណ៍នេះបានកើតឡើងកាលវេលាម៉ោង១៧:៣០នាទី ថ្ងៃទី០៦ ខែឧសភា ឆ្នាំ២០២១នេះ នៅចំណុចក្រុម០៧ ភូមិឬស្សី៣ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។ ករណីខ្យល់កន្ត្រាក់ខ្លាំង បណ្ដាលឲ្យបាក់អង់តែនវិទ្យុឆ្នេរទន្លេ(១០២) ហើយបានដួលរលំលើដំបូលផ្ទះប្រជាពលរដ្ឋចំនួន២ខ្នងផ្ទះនេះ គឺមិនបណ្តាលឲ្យមានគ្រោះថ្នាក់ដល់អាយុជីវិតប្រជាពលរដ្ឋនោះទេ គ្រាន់តែខូចខាតផ្ទះប្រជាពលរដ្ឋប៉ុណ្ណោះ ៕

  • បន្តផ្អាកដំណើរការជាបណ្ដោះអាសន្នផ្សាររដ្ឋ និងផ្សារមិនរៀបរយទាំងអស់ ក្នុងរាជធានីភ្នំពេញ រយៈពេល ៧ថ្ងៃ
    ព័ត៌មានជាតិ
    May 7, 2021 Khmernote Media

    រដ្ឋបាលរាជធានីភ្នំពេញ បានចេញសេចក្ដីសម្រេច ស្ដីពីការបន្តផ្អាកដំណើរការជាបណ្ដោះអាសន្នផ្សាររដ្ឋ និងផ្សារមិនរៀបរយទាំងអស់ ក្នុងរាជធានីភ្នំពេញ សម្រាប់រយៈពេល ៧ថ្ងៃ គិតចាប់ពីម៉ោងសូន្យ នាថ្ងៃទី០៨ រហូតដល់ថ្ងៃទី១៤ ខែឧសភា ឆ្នាំ២០២១៕

  • សម្តេចតេជោ ហ៊ុន សែន ណែនាំអោយអភិបាលខេត្តមួយចំនួន កែសម្រួលសេចក្តីសម្រេចរបស់ខ្លួនឡើងវិញ ដោយមិនត្រូវយកសំណាក រឺធ្វើចត្តាឡីស័ក មនុស្សគ្រប់គ្នានោះទេ
    ព័ត៌មានជាតិ
    May 6, 2021 Khmernote Media

    យោងតាមសារសំលេងពិសេសរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារសៀលថ្ងៃទី០៦ ខែឧសភា ឆ្នាំ២០២១នេះបានអោយដឹងថា សម្តេចបានធ្វើការណែនាំដល់ អភិបាលខេត្តមួយចំនួនដែលបានចេញសេចក្តីសម្រេចអោយធ្វើសំណាក និងធ្វើចត្តាឡីស័ក ពលរដ្ឋដែលបានធ្វើដំណើរចូលខេត្តរបស់ខ្លួន ដោយត្រូវធ្វើការកែសម្រួលសេចក្តីសម្រេចរបស់ខ្លួនឡើងវិញ។ សម្តេចតេជោ បានណែនាំអោយអភិបាលខេត្តទាំងនោះ អោយកែសម្រួលសេចក្តីសម្រេចរបស់ខ្លួន ដោយធ្វើការយកសំណាក រឺដាក់អោយធ្វើចត្តាឡីស័កចំពោះបុគ្គលដែលមានការសង្ស័យតែប៉ុណ្ណោះ មិនត្រូវអនុវត្តវិធានការមួយនេះគ្រប់គ្នានោះទេ ព្រោះការធ្វើបែបនេះវាមិនខុសពីចែកប្រទេសកម្ពុជា ជា២៥ប្រទេសនោះទេ។ ក្នុងនោះដែរសម្តេចតេជោ ក៏បានកោតសរសើរចំពោះរាជធានីភ្នំពេញ និងខេត្តព្រះសីហនុ ដោយបានអនុវត្តវិធានការបានម៉ឺងម៉ាត់ និងទន់ភ្លន់៕

  • ជូនដំណឹង! នៅមន្ទីរព្យាបាល ពិន ចំប៉ា ធ្លាប់មានអ្នកកើតកូវីដ នាំម្តាយទៅព្យាបាលនៅទីនោះ និងមានបុគ្គលិកម្នាក់ធ្វើការនៅមន្ទីរព្យាបាលនោះវិជ្ជមានកូវីដ
    ព័ត៌មានជាតិ
    May 6, 2021 Khmernote Media

    យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានឲ្យដឹងថា សូមពាក់ម៉ាស់ រក្សារគម្លាត ឧស្សាហ៍លាងដៃ ពេលចេញក្រៅ​ និងសូមអំពាវនាវដល់ប្រជាពលរដ្ឋ ដែលបានទៅទទួលសេវានៅ មន្ទីរសំរាកព្យាបាល ពិន ចំប៉ា ដែលមានទីតាំងស្ថិតនៅផ្ទះលេខ ​២៧២ ​សង្កាត់ទឹកថ្លា ខណ្ឌសែនសុខ ចាប់ពីថ្ងៃទី២៥ ខែមេសា ដល់ថ្ងៃទី២ ខែឧសភា ឆ្នាំ២០២១ ដោយមូលហេតុ៖ អ្នកជំងឺកូវីដ១៩​​ បាននាំម្ដាយរបស់ខ្លួនទៅទទួលសេវាព្យាបាលនៅទីនោះ និងអ្នកជំងឺម្នាក់ទៀត គឺជាបុគ្គលិកធ្វើការនៅទីតាំងខាងលើនេះដែរ។ សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ។

  • តំណាងក្រុមហ៊ុន foodpanda បានទៅសួរសុខទុក្ខ និងចេញថ្លៃព្យាបាលដល់សមត្ថកិច្ចមួយរូប ដែលបានរងរបួស ដោយសារដៃគូដឹកជញ្ជូនម្ហូបបើកម៉ូតូជ្រុលប៉ះ ពេលកំពុងបំពេញការងារ
    ព័ត៌មានជាតិ
    May 6, 2021 Khmernote Media

    រាជធានីភ្នំពេញ៖ កាលពីវេលា ៦ និង១៥នាទីល្ងាច ថ្ងៃទី០២​ ខែឧសភា​ ឆ្នាំ២០២១ កន្លងទៅ​ នៅចំណុចផ្លូវ២១៧​ ច្រមុះជ្រូកស្ទឹងមានជ័យ​ សង្កាត់ស្ទឹងមានជ័យ​ ខណ្ឌមានជ័យ​ រាជធានីភ្នំពេញ មានហេតុការណ៍គ្រោះថ្នាក់មួយបានកើតឡើង ដោយបុគ្គលិកដឹកជញ្ជូនអាហាររបស់ក្រុមហ៊ុន foodpanda ម្នាក់បានបើកម៉ូតូជ្រុលប៉ះសមត្ថកិច្ចមួយរូប ដែលកំពុងបំពេញតួនាទី បណ្តាលឲ្យរងរបួស។ ក្រោយកើតមានករណីគ្រោះថ្នាក់នេះ ក្រុមហ៊ុន foodpanda បានចាត់តំណាងក្រុមហ៊ុនចុះទៅសួរសុខទុក និងធ្វើការសុំទោស ចំពោះកំហុសឆ្គង ដែលបុគ្គលិកខ្លួន បង្កឡើងដោយអចេតនា ហើយក្រុមហ៊ុន foodpanda ក៏បានធ្វើការចេញថ្លៃព្យាបាល ចំពោះសមត្ថកិច្ចដែលរងរបួសផងដែរ។ ក្រុមហ៊ុន foodpand សំណូមពរដល់ដល់ដៃគូដឹកជញ្ជូន​ទាំងអស់ សូមចូលរួមគោរពច្បាប់ចរាចរណ៍​