ស្រីស្អាត វី ឌីណែត តារាចម្រៀងប្រចាំផលិតកម្មហង្សមាស បានធ្វើអោយទស្សនិកស្រែកហ៊ោ ជាមួយបទចម្រៀងញាក់កន្ត្រាក់អារម្មណ៍ នៅក្នុងព្រឹត្តិការណ៍ប្រគុំតន្ត្រីទេសចរណ៍ GANZBERG GOLD MEDAL CONCERT នៅសួនច្បារមាត់ព្រែក ខេត្តកំពត។ ព្រឹត្តិការណ៍ប្រគុំតន្ត្រីដ៏អស្ចារ្យនេះ នឹងធ្វើឡើងរយៈពេល២ថ្ងៃជាប់គ្នា គឺថ្ងៃទី ១៨ និង ១៩ ខែឧសភា ឆ្នាំ២០១៨ នេះហើយក៏មានតារាចម្រៀងល្បីៗឈ្មោះជាច្រើន ត្រៀមខ្លួនក្នុងការបម្រើអារម្មណ៍របស់ទស្សនិកជន អោយសប្បាយរីករាយក្នុងរាត្រីចុងសប្តាហ៍ផងដែរ។

គួរបញ្ជាក់ផងដែរថាព្រឹត្តិការណ៍ប្រគុំតន្ត្រីទេសចរណ៍ GANZBERG GOLD MEDAL CONCERT នឹងធ្វើឡើងចំនួន ៥ ខេត្តក្រុងផ្សេងៗគ្នា ដើម្បីអបអរសាទរដែលស្រាបៀរ GANZBERG ឈ្នះមេដាយមាសលំដាប់ថ្នាក់ពិភពលោក ចំនួន ២ឆ្នាំជាប់គ្នា ពីស្ថាប័នកំពូល MONDE SELECTION។ គួររំលឹកផងដែរថា កាលពីសប្តាហ៍មុននេះដែរ ក៏មានវត្តមានកំពូលតារាចម្រៀងលំដាប់ថ្នាក់ពិភពលោកគឺលោក Matteo ម្ចាស់បទ PANAMA មកច្រៀងដល់ឆាក GANZBERG នៅមុខសាលមោស្រពកោះពេជ្រ ផងដែរ៕