ខ្សែប្រយុទ្ធរបស់ក្លឹបហង្សក្រហម Liverpool កីឡាករ Mohamed Salah ជឿជាក់ថារូបគេនឹងអាចបង្ហាញខ្លួននៅក្នុងព្រឹតិ្តការណ៍ Fifa World Cup 2018 នៅក្នុងប្រទេសរុស្សី ទោះបីជារូបគេរងរបួសស្មារក្នុងកំឡុងពេលការប្រកួតពានរង្វាន់ UEFA Champion League វគ្គព្រ័ត្រជាមួយនឹងក្លឹបអធិរាជសរ Real Madrid ក៏ដោយ។

កាលពីរាត្រីថ្ងៃសៅរ៍កន្លងទៅខ្សែប្រយុទ្ធ Mohamed Salah បានរបួសប្រេះឆ្អឹងស្មារបន្ទាប់ពីខ្សែប្រយុទ្ធសញ្ជាតិអេស្ស៊ីបរូបនេះប៉ះទង្គិចជាមួយនឹងខ្សែការពារ Sergio Ramos។ ក្រោយពេលដែលខ្សែប្រយុទ្ធ Mohamed Salah ដើរចេញពីទីលានទាំងទឹកភ្នែកនោះ តាមរបាយការណ៍ពិនិត្យរបួសរបស់ Salah បានអោយដឹងថា៖ ខ្សែប្រយុទ្ធ Mohamed Salah អាចនឹងអវត្តមាននៅក្នុងការប្រកួតពានរង្វាន់ Fifa World Cup នៅក្នុងប្រទេសរុស្សី។

ប៉ុន្មានកាលពីម្សិលមិញនេះខ្សែប្រយុទ្ធ Mohamed Salah បានបង្ហោះសារមួយនៅក្នុងបណ្ដាញសង្គម Twitter ថា៖ វាជារាត្រីដ៏ស្វិតស្វាញមួយប៉ុន្តែខ្ញុំជាអ្នកប្រយុទ្ធ បើទោះបីជាខ្ញុំមានជំនឿយ៉ាងមុតមាំក៏ដោយខ្ញុំជឿជាក់ថាខ្ញុំនឹងនៅប្រទេសរុស្ស៊ីដើម្បីធ្វើឱ្យអ្នកទាំងអស់គ្នាមានមោទនភាព។ ក្ដីស្រឡាញ់និងការគាំទ្ររបស់អ្នកនឹងផ្តល់ឱ្យខ្ញុំនូវកម្លាំងដែលខ្ញុំត្រូវការ។ 

បុត្រ

ប្រភព៖ Goal