ក្លឹបតោខៀវ Chelsea ត្រៀមខ្លួនចូលរួមប្រជែងដណ្ដើមខ្សែប្រយុទ្ធ Robert Lewandowski ពីក្លឹប Bayern Munich ដែលក្លឹបតោខៀវ Chelsea គ្រោងនឹងចំណាយ 80លានផោន ក្នុងការដេញថ្លៃខ្សែប្រយុទ្ធសញ្ជាតិប៉ូឡូញរូបនេះ។

យោងតាមលោក Pini Zahavi ដែលជាភ្នាក់ងាររបស់ខ្សែប្រយុទ្ធសញ្ជាតិប៉ូឡូញនេះបានអោយដឹងថា៖ គាត់ (Lewandowski) បានត្រៀមខ្លួនចាកចេញពីក្លឹប Bayern Munich នៅក្នុងពេលទីផ្សារដោះដូរកីឡាករខាងមុខនេះហើយ ខណៈដែលមានក្លឹបជាច្រើនចង់បានគាត់រួមតែក្លឹបតោខៀវ Chelsea ផងដែរ។

ម្ចាស់ក្លឹបតោខៀវ Chelsea លោក Roman Abramovich និងលោក Pini Zahavi ដែលជាភ្នាក់ងាររបស់ Lewandowski មានទំនាក់ទំនងល្អជាមួយគ្នា ហើយទោះបីជាមានការរំពឹងទុកអាចនឹងមានការផ្លាស់ប្ដូរគ្រូបង្វឹកក៏ដោយនៅក្នុងរដូវកាលក្រោយ ក៏ក្លឹបតោខៀវ Chelsea ត្រៀមខ្លួនរួចជាស្រេចក្នុងការផ្ដួលក្លឹបបិសាចក្រហម Manchester United, Real Madrid និង PSG ដើម្បីដណ្ដើមខ្សែប្រយុទ្ធ Lewandowski ពីក្លឹប Bayern Munich នៅក្នុងទីផ្សារដោះដូរកីឡាកររដូវក្ដៅខាងមុខនេះ។

បុត្រ

ប្រភព៖ Goal