ក្រុមហ៊ុន Amazon ហាមឃាត់មិនឱ្យមានការលក់គ្រាប់ពូជ ឬរុក្ខជាតិមកពីបរទេស ទៅសហរដ្ឋអាមេរិកនោះទេ

យោងតាមកាសែត Wall Street Journal បានដឹងថា ក្រុមហ៊ុន Amazon បានហាមឃាត់រាល់ការលក់រុក្ខជាតិ និងគ្រាប់ធញ្ញជាតិពីបរទេស នៅសហរដ្ឋអាមេរិក មិនថាពួកគេនាំចូលឬលក់នៅក្នុងស្រុក ដោយប្រជាជនដែលមិនមែនជនជាតិអាមេរិកក៏ដោយ។ វាជាកិច្ចខិតខំប្រឹងប្រែងថ្មីមួយរបស់ Amazon ដើម្បីការពារអតិថិជន និងបង្កើនបទពិសោធន៍របស់អតិថិជន នេះបើយោងតាមអ៊ីមែលគោលការណ៍ថ្មី ដែលផ្ញើទៅអ្នកលក់របស់ Amazon ។ អ្នកតំណាងរបស់ក្រុមហ៊ុន Amazon បានបញ្ជាក់ពីការផ្លាស់ប្តូរនេះ ហើយអ្នកលក់ដែលល្មើសអាចជាប់ពិន័យ ឬឈានដល់ការលុបគណនីចោលផងដែរ។

ជនជាតិអាមេរិករាប់ម៉ឺននាក់បានទទួលគ្រាប់ពូជអាថ៌កំបាំងក្នុងប៉ុន្មានខែកន្លងមកនេះ ហើយភាគច្រើនត្រូវបានគេដាក់ស្លាកថា មកពីប្រទេសចិន ហើយជារឿយៗត្រូវបានគេដាក់ស្លាកក្លែងក្លាយថាជាផលិតផលមួយផ្សេងទៀត។ យ៉ាងហោចណាស់ពួកគេមួយចំនួនអាចបង្កគ្រោះថ្នាក់ដល់វិស័យកសិកម្ម ដែលរួមមានស្មៅរំខាន ជំងឺរុក្ខជាតិ និងសត្វល្អិត។ ការបង្រ្កាបរបស់ក្រុមហ៊ុន Amazon មិនអាចទប់ទល់បានចំនួនច្រើនទេ ប្រសិនបើអ្នកផ្ញើគ្រាប់ពូជនឹងប្រើសេវាកម្មផ្សេងទៀត។ ទោះយ៉ាងនេះក្តី នេះឆ្លុះបញ្ចាំងពីការឆ្លើយតបកាន់តែសកម្មរបស់ក្រុមហ៊ុនចំពោះផលិតផល និងការបញ្ជាទិញ ដែលគួរធុញទ្រាន់។ ក្រុមហ៊ុនមិនចង់ទទួលខុសត្រូវចំពោះការដឹកជញ្ជូនដែលមានបញ្ហានោះទេ ហើយសុខចិត្តខាតក៏មិនព្រមឱ្យមានហានិភ័យដែរ៕

អត្ថបទ៖ លីដា
ប្រភព៖ Engadget