សហព័ន្ធកីឡាបាល់ទាត់កម្ពុជាចេញសេចក្ដីប្រកាសសម្រេចដាក់ពិន័យទៅលើកីឡាករនិងក្លឹបដែលវាយប្រតប់គ្នាកាលពីថ្ងៃអាទិត្យកន្លងទៅ
មុននេះបន្ដិចសហព័ន្ធកីឡាបាល់ទាត់របស់ប្រទេសកម្ពុជាបានសម្រេចចេញសេចក្ដីប្រកាសមួយជាសាធារណៈដាក់ពិន័យទៅលើកីឡាកររបស់ក្លឹប ក្រសួងការពារជាតិ និងក្លឹប ព្រះខ័នរាជស្វាយរៀង ក្រោយមានការប៉ះទង្គិចគ្នាកាលថ្ងៃអាទិត្យកន្លងទៅនៅក្នុងការប្រកួតពានរង្វាន់មិត្តហ្វូនលីគ 2018។
កាលពីថ្ងៃអាទិត្យទី 3 ខែមិថុនា កន្លងទៅនៅក្នុងការប្រកួតពានរង្វាន់មិត្តហ្វូនលីគ 2018 រវាងក្លឹប ក្រសួងការពារជាតិ និងក្លឹប ព្រះខ័នរាជស្វាយរៀង ក្នុងនាទីទី 90+21 មានការដេញវាយប្រតាយប្រតប់គ្នាពេញទីលានប្រកួតរវាងកីឡាកររបស់ក្លឹបទាំងពីរ បន្ទាប់ពីមានការប៉ះទង្គិចគ្នារវាងកីឡាករ ណុប តុលារបស់ក្លឹប ព្រះខ័នរាជស្វាយរៀង និងកីឡាករ Song Chihoon របស់ក្លឹប ក្រសួងការពារជាតិ។
សហព័ន្ធកីឡាបាល់ទាត់របស់ប្រទេសកម្ពុជាបានចេញសេចក្ដីប្រកាសមួយដាក់ពិន័យកីឡាកររបស់ក្លឹបទាំងពីរជាសធារណៈតាមមាត្រាច្បាប់ដែលបានចែង ហើយការដាក់ពិន័យនោះមានដូចតទៅ៖
- កីឡាករ ណុប តុលា ត្រូវពិន័យមិនអោយលេង 2 ប្រកួត និងពិន័យជាប្រាក់ 5 សែនរៀល។
- កីឡាករ សឿយ វិសាល ត្រូវពិន័យមិនអោយលេង 4 ប្រកួត និងពិន័យជាប្រាក់ 5 សែនរៀល។
- កីឡាករ ហ៊ុយ ផល្លីន ត្រូវពិន័យមិនអោយលេងចំនួន 3 ខែ និងពិន័យជាប្រាក់ 5 សែនរៀល។
- កីឡាករ អោម ឧត្តម ត្រូវពិន័យមិនអោយលេងចំនួន 3 ខែ និងពិន័យជាប្រាក់ 5 សែនរៀល។
- កីឡាករ សុក សំណាង ត្រូវពិន័យមិនអោយលេងចំនួន 3 ខែ និងពិន័យជាប្រាក់ 5 សែនរៀល។
- កីឡាករ អាំ សុវណ្ណារ៉ាត់ ត្រូវពិន័យមិនអោយលេងចំនួន 3 ខែ និងពិន័យជាប្រាក់ 5 សែនរៀល។
- កីឡាករ សារ៉េត គ្រីយ៉ា ត្រូវពិន័យមិនអោយលេងចំនួន 3 ខែ និងពិន័យជាប្រាក់ 5 សែនរៀល។
- មន្រ្ដី សួន ធួន គ្រូជំនួយរបស់ក្លឹបព្រះខ័នរាជស្វាយរៀងត្រូវពិន័យមិនអោយដឹកនាំចំនួន 3 ខែ និងពិន័យជាប្រាក់ 5 សែនរៀល។
- ម្ចាស់ផ្ទះព្រះខ័នរាជស្វាយរៀងត្រូវពិន័យមកអោយអ្នកគាំទ្រចូលទស្សនាមួយប្រកួតនិងពិន័យជាប្រាក់ 2 លានរៀល។
- មន្រ្ដី ឡេង ណារិន មន្រ្ដីរបស់ក្លឹបក្រសួងការពារជាតិត្រូវពិន័យចំនួន 3 ខែ និងពិន័យជាប្រាក់ 5 សែនរៀល។
- កីឡាករ Yudai Ogawa ត្រូវពិន័យមិនអោយលេង 1 ប្រកួត។
- កីឡាករ Song Chihoon ត្រូវពិន័យមិនអោយលេង 2 ប្រកួត។
- លោក ភា សុភក្រ្ដា ទទួលបានលខិតព្រមានលើកចុងក្រោយ។
បុត្រ