ផ្អើលថា រុស្ស៊ីបានសម្លាប់បោសសំអាតឆ្កែរាប់រយក្បាល មុនពេល World Cup ចាប់ផ្តើម ឥលូវនេះដឹងការពិតហើយ

រុស្ស៊ី៖ កាលពីពេលថ្មីៗនេះ នៅប្រទេសរុស្ស៊ីមានការភ្ញាក់ ដោយសារតែរូបភាពសត្វឆ្កែជាច្រើនត្រូវបានគេសម្លាប់ ហើយមានការលើកឡើងថា ការសម្លាប់នេះបានធ្វើឡើងមុនពេលព្រឹត្តិការណ៍ការប្រកួតបាល់ទាត់ World Cup ចាប់ផ្តើម។ យោងតាមប្រភពព័ត៌មាន Reuters បានឲ្យដឹងថា តាមពិតរូបភាពទាំងនោះ គឺជារូបភាពនៅប្រទេសប៉ាគីស្ថានទេ នៅក្នុងអំឡុងដែលប៉ាគីស្ថានធ្វើការបោសសំអាតឆ្កែអនាថាតាមដងផ្លូវជាច្រើនរយក្បាលកាលពីឆ្នាំ២០១៦។

ទាក់ទងនឹងករណីនេះ ឧបនាយករដ្ឋមន្ត្រីរុស្ស៊ី លោក Vitaly Mutko បានឲ្យដឹងថា សត្វអនាថានឹងត្រូវធ្វើការចាប់រក្សាទុកនៅកន្លែងត្រឹមត្រូវ មិនមានការសម្លាប់បែបនេះឡើយ៕

អត្ថបទ៖ ឌី
ប្រភព៖ Reuters