ក្ដៅៗ! លោក ចូ បាយដិន នឹងត្រៀមខ្លួនក្លាយជាប្រធានាធិបតីទី៤៦ របស់សហរដ្ឋអាមេរិក បន្ទាប់ពីទទួលជ័យជម្នះពីរដ្ឋផេនស៊ីលវេនៀ

យោងតាមការធ្វើបច្ចុប្បន្នភាពចុងក្រោយរបស់សារព័ត៌មាន CNN សម្រាប់រាត្រីថ្ងៃសៅរ៍ ទី០៧ ខែវិច្ឆិកា ឆ្នាំ២០២០ បានឱ្យដឹងថា លោក ចូ បាយដិន នឹងក្លាយជាប្រធានាធិបតីទី៤៦ របស់សហរដ្ឋអាមេរិក បន្ទាប់ពីទទួលបានជ័យជម្នះនៅក្នុងរដ្ឋកំណើតរបស់លោកផ្ទាល់ ដែលវាបានបន្ថែមសំឡេងឱ្យគាត់បានច្រើនជាង ២៧០ ដើម្បីឈ្នះជាប្រធានាធិបតីថ្មី។ ជាមួយនឹងសន្លឹកឆ្នោតចំនួន ២០ របស់រដ្ឋផេនស៊ីលវេនៀ (Pennsylvania) ឥឡូវនេះលោក ចូ បាយដិន មានសំឡេងឆ្នោតសរុបចំនួន ២៧៣ ។

មុនពេលក្លាយជាបេក្ខភាពប្រធានាធិបតីឱ្យបក្សប្រជាធិបតេយ្យ លោក ចូ បាយដិន បានបម្រើការជាអនុប្រធានាធិបតី ក្រោមអតីតប្រធានាធិបតីលោក បារ៉ាក់ អូបាម៉ា។ គាត់ក៏ជាសមាជិកព្រឹទ្ធសភាដែលបម្រើការងារយូរជាងគេបំផុតរបស់ Delaware ផងដែរ។ ពេញមួយយុទ្ធនាការរបស់គាត់ លោក ចូ បាយដិន បានអះអាងថា «ព្រលឹងជាតិ» គឺស្ថិតក្នុងគ្រោះថ្នាក់ ហើយបានសន្យាថា លោកនឹងព្យាយាមព្យាបាលប្រទេសដែលប្រេះឆា ដោយដៃប្រធានាធិបតីលោក ដូណាល់ ត្រាំ ៕

អត្ថបទ៖ លីដា
ប្រភព៖ CNN