អន្តរជាតិ
យានអវកាស Crew Dragon ដែលដឹកអវកាសយានិក ៤នាក់ ចេញពីផែនដី ពេលនេះបានចូលចតនៅនៅស្ថានីយ៍អវកាសអន្តរជាតិដោយជោគជ័យ
BY autoadmin
November 17, 2020
យានអវកាស Crew Dragon របស់ក្រុមហ៊ុន SpaceX ដែលបានដឹកអវកាសយានិកចំនួន ៤នាក់ ចាកចេញពីផែនដី ពេលនេះបានចូលចតនៅស្ថានីយ៍អវកាសអន្តរជាតិ (ISS) ដោយជោគជ័យហើយ។ វាគឺជាបេសកកម្មរយៈពេលជាច្រើនឆ្នាំ ដែលនឹងបង្កើត ហើយជួយដល់យុគសម័យថ្មីនៃការធ្វើដំណើរអវកាស។ ឥឡូវនេះនាវិកកំពុងអនុវត្តនីតិវិធីសុវត្ថិភាព មុនពេលបើកទ្វារចេញពីយាន ហើយចូលទៅកាន់អ្វី ដែលនឹងក្លាយជាផ្ទះរបស់ពួកគេក្នុងរយៈពេល ៦ខែ បន្ទាប់។
មុនពេលចូលចតក្រុមនាវិកបានគេងប្រហែល ៨ម៉ោង ហើយត្រូវបានភ្ញាក់ដឹងខ្លួន ដោយប្រព័ន្ធត្រួតពិនិត្យបេសកកម្ម ជាមួយនឹងបទចំរៀង «In the Air Tonight» ដោយ Phil Collins ។ នៅពេលដែលជិះលើយានអវកាសរបស់ ISS អវកាសយានិកនឹងធ្វើការពិសោធន៍ជាច្រើន រួមទាំងផ្នែកមួយដែលពាក់ព័ន្ធនឹងកោសិកាដើម iPS ដែលអាចជួយត្រួសត្រាយផ្លូវសម្រាប់មនុស្ស ក្នុងការប្រមូលផ្តុំកោសិការាងកាយឡើងវិញ៕
អត្ថបទ៖ លីដា
ប្រភព៖ NHK