ខ្សែបម្រើ Luka Modric ដែលជាប្រធានក្រុមរបស់ក្រុមជម្រើសជាតិក្រូអាតបាននិយាយប្រាប់អ្នកសារពត៌មានបន្ទាប់ពីប្រកួតចប់ធ្វើឲ្យអ្នកគាំទ្រអាហ្សង់ទីនជាច្រើននាក់រំជួលចិត្តចំពោះសម្ដីរបស់ Modric។

បន្ទាប់ពីប្រធានក្រុមជម្រើសជាតិក្រូអាតជួយឲ្យក្រុមខ្លួនយកឈ្នះក្រុមជម្រើសជាតិអាហ្សង់ទីនរួចមក ក្រុមជម្រើសជាតិក្រូអាតបានកក់កៅអីវគ្គ 16 ក្រុមចុងក្រោយនៃព្រឹតិ្តការណ៍បាល់ទាត់ពិភពលោក FIFA World Cup នៅប្រទេសរុស្សី។ ខ្សែបម្រើ Luka Modric គឺជាចំណែកមួយដ៏ធំសម្រាប់ក្រុមជម្រើសជាតិក្រូអាតបន្ទាប់ពីយកឈ្នះក្រុមជម្រើសជាតិអាហ្សង់ទីនកាលពីម្សិលមិញ ហើយ Modric ត្រូវបានជ្រើសរើសជាកីឡាករឆ្នើមប្រចាំការប្រកួតទៀតផង។

Modric បាននិយាយប្រាប់អ្នកសារពត៌មានក្រោយបញ្ចប់ការប្រកួតថា៖ គោលដៅសំខាន់របស់ពួកគេគឺខ្សែប្រយុទ្ធ Lionel Messi ពួកយើងធ្លាប់ដឹងពីទម្រង់របស់ Messi ព្រោះ Messi គឺជាស្នូលដ៏សំខាន់នៅក្នុងក្រុមជម្រើសជាតិអាហ្សង់ទីន ដូច្នោះពួកយើងត្រូវបិទ Messi ឲ្យជាប់មិនឲ្យរូបគេមានឱកាសបង្កើតគ្រាប់បាល់បានទេ។ ចំពោះ Messi រូបគេគឺជាកីឡាករដ៏អស្ចារ្យនិងពិសេសម្នាក់ ប៉ុន្ដែរូបគេមិនអាចធ្វើអ្វីដោយម្នាក់ឯងបានទេ។ នៅក្នុងពិភពបាល់ទាត់គឺលេងត្រូវការជាក្រុម មិនអាចលេងដោយម្នាក់ឯងបានទេ។ Messi គឺជាកីឡាករដ៏ល្អម្នាក់ ប៉ុន្ដែគាត់ត្រូវការជំនួយពីក្រុម។ 

បុត្រ

ប្រភព៖ ESPN