ប្រធានក្លឹប Lyon សម្រេចចិត្តមិនលក់ Nabil Fekir ឲ្យ Liverpool ដោយសារតែការចចារយូរពេក

ប្រធានក្លឹប Lyon លោក Jean-Michel Aulas បានប្រកាសថា លោកសម្រេចចិត្តថានឹងមិនលក់ខ្សែបម្រើប្រយុទ្ធ Nabil Fekir ទៅឲ្យក្លឹបហង្សក្រហម Liverpool ទេដោយសារតែការចចាររវាងក្លឹបហង្សក្រហមខ Liverpool និងក្លឹប Lyon ដំណើរការទៅរយៈពេលយូរពេក។

ខ្សែបម្រើប្រយុទ្ធសញ្ជាតិបារាំងរូបនេះមានបំណងចង់ចាកចេញពីក្លឹប Lyon ទៅកាន់ទឹកដី Anfield របស់ក្លឹបហង្សក្រហម Liverpool ប៉ុន្ដែអ្វីគ្រប់យ៉ាងត្រូវបានបរាជ័យបន្ទាប់ពីប្រធានក្លឹប Lyon សម្រេចចិត្តថានឹងមិនលក់ Fekir ឲ្យ Liverpool ដោយសារតែការចចារយូរពេក។

បន្ទាប់ពីការចចាររវាងក្លឹបហង្សក្រហម Liverpool ជាមួយនឹងក្លឹប Lyon បរាជ័យ ពេលនេះក្លឹបអធិរាជសរ Real Madrid កំពុងចាប់អារម្មណ៍ខ្សែបម្រើរបស់ក្លឹប Lyon រូបនេះ ខណៈដែលក្លឹបអធិរាជសរ Real Madrid ត្រៀមបញ្ជូនភ្នាក់ងាររបស់ក្លឹបមកចចារជាមួយនឹងក្លឹប Lyon ក្នុងពេលឆាប់ៗនេះ។

បុត្រ

ប្រភព៖ Goal