Barcelona ចុះហត្ថលេខាទិញខ្សែការពារ Clement Lenglet ពីក្លឹប Sevilla បានសម្រេចហើយ

កាលពីម្សិលមិញនេះក្លឹបអ្នកមានបុណ្យ Barcelona បានចុះហត្ថលេខាផ្ទេរខ្សែការពារ Clement Lenglet ពីក្លឹប Sevilla ក្នុងតម្លៃផ្ទេរ 36លានអឺរ៉ូ។

ខ្សែការពារសញ្ជាតិបារាំង Clement Lenglet បានយល់ព្រមចុះហត្ថលេខាផ្ទេរពីក្លឹប Sevilla មកកាន់ក្លឹបអ្នកមានបុណ្យ Barcelona នៅក្នុងកុងត្រារយៈពេល 5 ឆ្នាំដែលកុងត្រារបស់ខ្សែការពាររូបនេះនឹងបញ្ចប់នៅក្នុងឆ្នាំ 2023 ហើយតម្លៃទិញផ្ដាច់កុងត្រារបស់ខ្សែការពាររូបនេះគឺមានតម្លៃដ៏ទៅ 300លានអឺរ៉ូ។

មុនពេលក្លឹបអ្នកមានបុណ្យ Barcelona ចុះហត្ថលេខាទិញខ្សែការពាររូបនេះ ក្លឹបបិសាចក្រហម Manchester United ក៏មានចំណាប់អារម្មណ៍ចង់បានខ្សែការពាររូបនេះដែរ ប៉ុន្ដែការប៉ុនប៉ុងរបស់ Manchester United ត្រូវបរាជ័យបន្ទាប់ពីខ្សែការពារសញ្ជាតិបារាំងរូបនេះសម្រេចចិត្តផ្ទេរមកកាន់ Barcelona។

ខ្សែការពារ Clement Lenglet បានបង្ហាញខ្លួនឲ្យក្លឹប Sevilla បានចំនួន 70 ប្រកួតនិងសុតបញ្ចូលទីឲ្យក្លឹប Sevilla បានចំនួន 4 គ្រាប់។ ពេលនេះខ្សែការពារសញ្ជាតិបារាំងរូបនេះបានត្រៀមចូលហ្វឹកហាត់ជាមួយនឹងក្លឹប Barcelona ហើយដើម្បីត្រៀមចេញទៅប្រកួតមិត្តភាពនៅចុងខែនេះ៕

បុត្រ

ប្រភព៖ Goal