ស្ថានភាពទឹកនៅផ្លូវជាតិលេខ៤ចាប់ផ្តើមស្រកបណ្តើរៗហើយ តែចរាចរណ៍នៅផ្អាកមិនទាន់ឲ្យធ្វើដំណើរនៅឡើយទេ

ស្រុកកំពង់សិលា- គិតមក​ត្រឹមវេលាម៉ោង​ជិត៦ព្រឹក​ថ្ងៃ​ទី​១៩​ ខែ​កក្កដា​ ឆ្នាំ​២០១៨នេះ ស្ថានភាពទឹកនៅស្ពានស្ទឹងសំរោង កំពស់​ទឹក​លើស្ពានស្ទឹងសំរោង​ ស្រកយឺតៗបន្តិចម្តងៗ​ ក្នុងនោះ​ទឹកបាន​ស្រកអស់ពីលើស្ពានទាំងពីរ​​ហើយ។ ចំណែកទឹក នៅលើផ្លូវជាតិក្បែរស្ពាននៅមានកំពស់​ ប្រមាណ៥០សង់ទីម៉ែត្រ​ ហូរ​កាត់​តាម​បណ្ដោយ​ផ្លូវ​ជាតិ​ប្រវែង​ ប្រមាណ១៥០ម៉ែត្រ​។ ការ​សន្និដ្ឋានរបស់សមត្ថកិច្ចគឺ​ ស្ថានភាព​ទឹក​នៅបន្តស្រកយឺតៗបន្ថែមទៀត​ រីឯអាកាសធាតុ​នៅមានភ្លៀងធ្លាក់បន្តបន្ទាប់។ ចំពោះ​ការ​ធ្វើចរាចរណ៍លើកំណាត់ផ្លូវជាតិលេខ​៤​ ក្នុង​ភូមិ​សាស្ត្រស្រុកកំពង់សីលា​ ខេត្ត​ព្រះសីហនុ​ នៅ​ផ្អាក​ជាបណ្តោះអាសន្ន​ ដ៍ដែល៕