Varane៖ វានឹងធ្វើអោយខ្ញុំខឹងពេលគេប្រៀបធៀបខ្ញុំជាមួយ Ramos

ខ្សែការពារសញ្ជាតិបារាំងរបស់ក្លឹប Real Madrid Rafael Varane បាននិយាយក្នុងកិច្ចសម្ភាន៍ថា “គេមានអារម្មណ៍មិនសូវសប្បាយចិត្តទាល់តែសោះនៅពេលនរណាម្នាក់ចង់អោយខ្ញុំលេងអោយដូចទៅនឹងមិត្តរួមក្រុមរបស់គេ Sergio Ramos ព្រោះមនុស្សម្នាក់ៗតែងតែមានរបៀបនៃការលេងខុសគ្នាមិនមែនសុទ្ធតែលេងអោយដូចគ្នាបាននោះទេ Ramos គេមានរបៀបលេងរបស់គេខ្ញុំមានរបៀបលេងរបស់ខ្ញុំហើយពួកយើងមិនអាចដូចគ្នាបាននោះទេ។

គួរបញ្ជាក់ផងដែរថា ខ្សែការពារបារាំង Rafael Varane ទើបតែជួយប្រទេសរបស់ខ្លួនការឈ្នះពានពិភពលោក FIFA World Cup ឆ្នាំ ២០១៨ នៅប្រទេសរុស្សីថ្មីៗនេះ ដែលរូបគេដើរតួនាទីយ៉ាងសំខាន់ក្នុងការការពារមិនអោយគូរប្រគួតចូលមកដល់ក្នុងតំបន់គ្រោះថ្នាក់បានងាយស្រួលនោះទេ មួយវិញទៀតកីឡាករវ័យ ២៥ឆ្នាំរូបនេះក៏ធា្លប់បានឈ្នះពានជាច្រើនជាមួយក្លឹប Real Madrid ផងដែរ៕

អត្ថបទ៖ ប៊ុនហួរ
ប្រភព៖ Marca