Zlatan Ibrahimovic បាននិយាយពីការសោកស្តាយចំពោះការមិនបានចូលរួមជាមួយក្រុម Manchester United កាលពីមុននៅក្នុងអាជីពរបស់គាត់ដោយបញ្ជាក់ថាអ្នកគាំទ្រនឹងបានឃើញ “តោផ្សេងទៀត” កំឡុងពេលរបស់គាត់នៅក្លឹប Manutd។

“ខ្ញុំមានអារម្មណ៍សោកស្តាយចំពោះក្រុមអ្នកគាំទ្រប្រសិនបើពួកគេឃើញលេងកាលពីខ្ញុំវ័យក្មេងពួកគេនឹងបានឃើញសត្វតោខុសគ្នា។ សម្រាប់ក្របខ័ណ្ឌ Premier League វិញវានឹងមានគ្រោះថ្នាក់ដូចជាខ្ញុំនឹងស៊ីពួកគេជាអាហារពេលព្រឹកប៉ុន្តែខ្ញុំបានយកពួកគេធ្វើជា​អាហារ​ថ្ងៃត្រង់ជំនួសវិញ”។

Ibrahimovic ដែលជាអ្នកស៊ុតបញ្ចូលទីនាំមុខគេក្នុងប្រវត្ដិសាស្ដ្រស៊ុយអ៊ែតបានចំណាយពេលវេលាដ៏ល្អបំផុតចំនួនពីររដូវកាលនៅទឹកដី Old Trafford បន្ទាប់ពីការមកដល់របស់គាត់នៅឆ្នាំ 2016 ពីក្លិប Paris Saint Germain ហើយបានជួយឱ្យបិសាចក្រហមឈ្នះពានរង្វាន់ EFL Cup ក្នុងឆ្នាំដំបូងរបស់គាត់ផងដែរ។

អត្ថបទ៖ ប៊ុនហួរ
ប្រភព៖ Goal