Zidane ចង់ដណ្ដើមកៅអីរបស់ Mourinho នៅឯក្លឹបបិសាចក្រហម Manchester United

អតីតគ្រូបង្វឹករបស់ក្លឹបអធិរាជសរ Real Madrid លោក Zinedine Zidane កំពុងសម្លឹងមើលដំណែងគ្រូបង្វឹកនៅឯលីគកំពូល Premier League ស្របពេលដែល Zidane មានបំណងចង់ដឹកនាំបិសាចក្រហម Manchester United។

យោងតាមការចុះផ្សាយរបស់សារពត៌មាន L’Equipe បានឲ្យដឹងថា៖ បន្ទាប់ពីការចាកចេញរបស់លោក Zinedine Zidane ពីក្លឹបអធិរាជសរ Real Madrid នៅក្នុងពេលបញ្ចប់រដូវកាលមុននេះ លោក Zidane មានបំណងចង់ទៅដឹកនាំក្លឹបមួយនៅក្នុងលីគកំពូល Premier League។

បន្ទាប់ពីចាកចេញពីក្លឹប Real Madrid គ្រូបង្វឹកសញ្ជាតិបារាំងរូបនេះមានបំណងចង់ដឹកនាំក្រុមជម្រើសជាតិបារាំង ប៉ុន្ដែក្ដីបំណងរបស់លោកហាក់ដូចជាមិនសូវសមប្រកបបន្ទាប់ពីលោក Didier Deschamps ដឹកនាំក្រុមជម្រើសជាតិបារាំងឈ្នះពានរង្វាន់ FIFA World Cup នៅរុស្សីកាលពីពេលថ្មីៗនេះ។ ពេលនេះលោក Zinedine Zidane បានបង្វែរចំណាប់អារម្មណ៍របស់គាត់មកកាន់ក្លឹបបិសាចក្រហម Manchester United វិញលោក Zidane ត្រូវបានគេរំពឹងទុកថាអាចជាបេក្ខភាពកំពូលសម្រាប់ជំនួសដំណែងលោក Jose Mourinho។

បុត្រ

ប្រភព៖ Goal