អតីតគ្រូបង្វឹករបស់ក្លឹបអធិរាជសរ Real Madrid លោក Zinedine Zidane នឹងក្លាយជាបេក្ខភាពដ៏សំខាន់សម្រាប់ក្លឹបបិសាចក្រហម Manchester United ក្នុងការជំនួសដំណែងលោក Jose Mourinho បន្ទាប់ពីលោក Mourinho ដឹកនាំបិសាចក្រហម Manchester United ចាញ់ Brighton កាលពីថ្ងៃអាទិត្យកន្លងទៅ។

ពេលនេះលោក Jose Mourinho កំពុងត្រូវបានគេរិះគន់គាត់យ៉ាងខ្លាំងចំពោះទំរង់លេងដែលលោកដឹកនាំ Man Utd ចាញ់ Brighton ដល់ទៅ 3-2 កាលពីថ្ងៃអាទិត្យកន្លងទៅ។ ការដឹកនាំរបស់ Mourinho កាលពីថ្ងៃអាទិត្យកន្លងទៅនេះធ្វើឲ្យលោកទទួលបានការមិនពេញចិត្តជាច្រើន ហើយប្រសិនបើនៅតែបែបនេះលោក Mourinho អាចនឹងត្រូវបានផ្លាស់ចេញពីដំណែងឆាប់ៗ ស្របពេលដែលក្លឹបបិសាចក្រហម Manchester United កំពុងពេញចិត្តអតីតគ្រូបង្វឹក Real Madrid លោក Zinedine Zidane ដែលដឹកនាំក្លឹប Real Madrid ឈ្នះ Champion League 3 ឆ្នាំជាប់គ្នា។

លោក Sharpe ដែលជាអតីតកីឡាករឆ្នើមរបស់ Man Utd បានរំពឹងទុកថាលោក Jose Mourinho អាចនឹងចាកចេញពីដំណែងមុនពេល Christmas ឆ្នាំនេះ។ អតីតខ្សែបម្រើ Lee Sharpe បាននិយាយប្រាប់អ្នកសារពត៌មាន TalkSport ថា៖ លោក Mourinho កំពុងត្រូវបានដាក់ទោសម្តងទៀតហើយ។ គាត់មិនដែលមើលទៅឃើញសប្បាយចិត្តម្ដងណាទេចាប់តាំងពីលោកចូលកាន់ដំណែងនៅក្នុងក្លឹប។ ខ្ញុំបានពាក្យជាច្រើនដែលលើកឡើងថាលោក Mourinho មិនបានផ្ដល់អ្វីសោះឲ្យក្លឹប។ ប្រសិនបើលោក Mourinho នៅតែបន្ដបែបនេះខ្ញុំរំពឹងទុកថាលោកនឹងត្រូវបានផ្លាស់ចេញមុន Christmas ហើយលោក Zidane គឺជាជម្រើសល្អសម្រាប់ក្លឹប។ 

បុត្រ

ប្រភព៖ Goal