លោក Jurgen Klopp ចង់បាន Rabiot មកជួយលេងឲ្យ Liverpool នៅក្នុងរដូវកាលក្រោយ

ក្លឹបហង្សក្រហម Liverpool កំពុងមានទំនាក់ទំនងជាមួយនឹងភ្នាក់ងាររបស់ខ្សែបម្រើ Adrien Rabiot របស់ក្លឹបអ្នកមានបារាំង PSG ទាក់ទងនឹងការផ្ទេរខ្សែបម្រើ Rabiot ចេញពីទឹកដីបារាំងមកកាន់អង់គ្លេសនៅក្នុងរដូវកាលក្រោយ។

យោងតាមការចុះផ្សាយរបស់សារពត៌មាន ESPN បានឲ្យដឹងថា៖ ខ្សែបម្រើសញ្ជាតិបារាំងរូបនេះនឹងបញ្ចប់កុងត្រាជាមួយនឹងក្លឹប PSG នៅក្នុងពេលបញ្ចប់រដូវកាលថ្មីនេះ ខណៈដែលពេលនេះ Rabiot មិនទាន់បានចុះហត្ថលេខាបន្ដកុងត្រាថ្មីជាមួយនឹង PSG នៅឡើយទេ ស្របពេលដែល Rabiot កំពុងមានទំនាក់ទំនងជាមួយនឹង Barcelona ហើយអាចនឹងចាកចេញទៅកាន់ Barcelona នៅពេលដែលកុងត្រារបស់គេជាមួយនឹងក្លឹប PSG បានបញ្ចប់។

ប៉ុន្ដែលោក Jurgen Klopp កំពុងសម្លឹងមើលនាំយកខ្សែបម្រើរូបនេះមកកាន់ទឹកដី Anfield នៅពេលដែលកុងត្រារបស់គេបញ្ចប់ ហើយគ្រូបង្វឹករបស់ក្លឹបហង្សក្រហម Liverpool គិតជា Rabiot អាចនឹងក្លាយជាខ្សែបម្រើដ៏សំខាន់សម្រាប់ក្លឹបនៅពេលដែលរូបគេចូលរួមជាមួយនឹង Liverpool។ រំលឹកឡើងវិញកាលពីលោក Jurgen Klopp នៅដឹកនាំក្លឹប Borrusia Dortmund គ្រូបង្វឹករូបនេះបានព្យាយាមទិញ Rabiot ពី PSG ដូចគ្នា ប៉ុន្ដែត្រូវបរាជ័យដោយសារតែ Rabiot បដិសេធមិនព្រមចូលរួមជាមួយនឹងលោក Klopp។

បុត្រ

ប្រភព៖ Goal