ភ្នាក់ងាររបស់ខ្សែបម្រើ Christian Eriksen សប្បាយចិត្តពេលឃើញកីឡាករ Eriksen កំពុងមានទំនាក់ទំនងជាមួយនឹងក្លឹប Man Utd និង Real Madrid

ភ្នាក់ងាររបស់ខ្សែបម្រើ Christian Eriksen និយាយថា៖ គាត់មានចិត្តរំភើបក្នុងការឃើញកីឡាករ Eriksen កំពុងមានទំនាក់ទំនងជាមួយនឹងក្លឹបបិសាចក្រហម Manchester United និងក្លឹបអធិរាជសរ Real Madrid។

ខ្សែបម្រើ Eriksen បានបង្ហាញទម្រង់លេងដ៏អស្ចារ្យនៅក្នុងក្លឹបមាន់ខ្នាយមាស Tottenham Hotspur នៅរដូវកាលនេះដោយស៊ុតបញ្ចូលទីបាន 9 គ្រាប់និងបញ្ជូនបាល់អោយមិត្តរួមក្រុមសុតបាន 9 គ្រាប់គ្រប់ការប្រកួតទាំងអស់របស់គេបានចូលលេង។

ពេលនេះក្លឹបមាន់ខ្នាយមាស Tottenham Hotspur កំពុងស្ថិតនៅក្នុងចំណាត់ថ្នាក់លេខ 4 ក្នុងក្របខ័ណ្ឌ Premier League ហើយនឹងត្រូវប៉ះជាមួយនឹងក្លឹបសេះបង្កង់ Juventus ក្នុងវគ្គ 16 ក្រុមចុងក្រោយនៃពានរង្វាន់ UEFA Champion League ជើងទី 2។ ការប្រកួតពានរង្វាន់ UEFA Champion League ជាមួយនឹងក្លឹបសេះបង្កង់ Juventus ក្នុងជើងទី 1 ក្លឹបមាន់ខ្នាយមាស Tottenham Hotspur បានស្មើជាមួយនឹងម្ចាស់ផ្ទះ Juventus ដោយលទ្ធផល 2-2។

លោក Martin Schoots អ្នកតំណាងរបស់ Eriksen និយាយថាការទាក់ទងជាមួយក្លឹបយក្សរបស់អេស្ប៉ាញនិងលោក Jose Mourinho នេះក្រោយពេលខ្សែបម្រើសញ្ជាតិ Denmark រូបនេះបង្ហាញទំរង់លេងដ៏ល្អនៅក្នុងការប្រកួតផ្សេងៗ។ លោក Schoots បានប្រាប់អ្នកសារពត៌មានថា៖ គាត់មិនធ្វើអត្ថាធិប្បាយលើពាក្យចចាមអារាមច្រើនទេ ប៉ុន្ដែ Eriksen ត្រូវបានក្លឹបធំៗដូចជាក្លឹបបិសាចក្រហម Manchester United ក្លឹបអធិរាជសរ Real Madrid និងក្លឹបអ្នកមានបុណ្យ Barcelona កោតសរសើរ។ ខ្សែបម្រើ Christian Eriksen ត្រូវបានក្លឹបធំមួយចាប់អារម្មណ៍ចង់បានរូបគេតាំងពីអាយុ 14 ឆ្នាំមកម្លេះ។ ក្លឹបដំបូងដែលចាប់អារម្មណ៍រូបគេគឺក្លឹបតោខៀវ Chelsea ហើយធំៗបន្ទាប់មានដូចជា AC Milan និង Barcelona ជាដើម។ 

បុត្រ

ប្រភព៖ Goal