Zidane មិនចាប់អារម្មណ៍ដឹកនាំ Man Utd ទេតែលោកចង់ដឹកនាំ Juventus ជាង

យោងតាមការចុះផ្សាយរបស់សារពត៌មាន Le Parisen បានចុះផ្សាយថា៖ អតីតគ្រូបង្វឹករបស់ក្លឹបអធិរាជសរ Real Madrid លោក Zinedine Zidane មិនចាប់អារម្មណ៍ក្នុងការដឹកនាំក្លឹបបិសាចក្រហម Manchester United ទេប៉ុន្ដែគ្រូបង្វឹកសញ្ជាតិបារាំងរូបនេះចាប់អារម្មណ៍ក្នុងការដឹកនាំក្លឹបសេះបង្កង់ Juventus វិញ។

អតីតគ្រូបង្វឹករបស់ក្លឹបអធិរាជសរ Real Madrid រូបនេះមិនទាន់ប្រញាប់ប្រញាល់ត្រលប់មកប្រឡូកក្នុងការដឹកនាំវិញនៅឡើយទេ បន្ទាប់ពី Zidane ចាកចេញពី Real Madrid ស្របពេលដែលមានក្លឹបជាច្រើនបានទាក់ទង Zidane យកទៅដឹកនាំក្លឹប។ Zidane ជឿជាក់ថារូបលោកអាចនឹងដឹកនាំក្លឹបណាដែលកំពុងជួបទុកលំបាក់ខ្លាំង ហើយលោកពិតជាពេញចិត្តក្នុងការត្រលប់ទៅដឹកនាំ។

អតីតខ្សែបម្រើដែលជួយឲ្យបារាំងឈ្នះពានរង្វាន់បាល់ទាត់ពិភពលោក FIFA World Cup លើកដំបូងឆ្នាំ 1998 រូបនេះមិនបានចុះកិច្ចសន្យាដឹកនាំក្លឹបបិសាចក្រហម Manchester United ព្រោះដឹកនាំក្លឹបបិសាចក្រហម Manchester United តំរូវឲ្យគាត់ចេះនិយាយភាសាអង់គ្លេស ខណៈដែល Zidane មិនចេះនិយាយភាសាអង់គ្លេសនោះទេ។ លោក Zinedine Zidane សង្ឃឹមថាគាត់នឹងអាចត្រលប់ទៅដឹកនាំក្លឹបចាស់របស់គាត់ដែលរូបគេធ្លាប់លេងមុនមកដល់ Real Madrid គឺក្លឹបសេះបង្កង់ Juventus ស្របពេលដែល Juventus ក៏ចង់បាន Zidane មកដឹកនាំដូចគ្នា។

បុត្រ

ប្រភព៖ Goal