វឌ្ឍនាកាប្រតិកម្មខ្លាំងជាមួយផេកមួយដែលបានរិះគន់ខ្លួនថាបានធ្វើចរិតតួឯក
បន្ទាប់ពីការប្រកួតមិត្តភាពរវាងក្រុមជម្រើសជាតិកម្ពុជាជាមួយនឹងក្រុមជម្រើសជាតិទីម័រខាងកើតដោយបញ្ចប់ក្នុងលទ្ធផល ២-២ ក៏មានផេកមួយចំនួនប្រតិកម្មនិងរិះគន់កីឡាករដើមកំណើតពីខេត្តកំពត ចាន់ វឌ្ឍនាកាដែលបានដើរតែម្នាក់ឯងក្រោយបញ្ចប់ការប្រកួតត្រូវបានគេលើកឡើងថាជាចរិតតួរឯក។
ផេកមួយបានបង្ហោះរូបភាពកីឡាករ ចាន់ វឌ្ឍនាកាដើរតែម្នាក់ឯងក្រោយចប់ការប្រកួតនិងបានសរសេរថា៖ “ជំងឺតួឯក មានន័យថា ជាទស្សនៈអាត្មានិយម បុគ្គលនិយម ដែលប្រកាន់ថា មានតែខ្លួនទេដែលល្អដាច់គេ លើសគេ ផុតគេ ជាអ្នកសំខាន់ឬអស្ចារ្យជាងគេ ប្រសិនបើពុំមានវត្តមានរបស់ខ្លួនទេ ពុំមាននរណាផ្សេងអាចជំនួសខ្លួនបានឡើយ៕? ជឿថាខ្មែរអាចធ្វើបាន។ ភ្លាមៗនោះកីឡាករ ចាន់ វឌ្ឍនាកាក៏បានឆ្លើយតបទៅកាន់ផេកនោះថា “បាទដឹងពេលចប់ខ្ញុំរវល់អីអត់ គឺខ្ញុំទៅសម្ភាស កុំឃើញតែរូបភាពមួយផ្នែកយកមកវាយតម្លៃមនុស្ស បើសិនជាខ្ញុំមានជំងឺតួឯកមែនណ្ហើយណាស់ខ្ញុំឈប់ពីជម្រើសជាតិបាត់ហើយ និយាយម្ដងទៀតចុះកុំយករូបមួយផ្នែកដើម្បីវាយប្រហារខ្ញុំអី អរគុណសូមទានជ្រាប”។
អត្ថបទ៖ ប៊ុនហួរ