រន្ធត់ទាំងយប់! រថយន្ត២គ្រឿងបុកគ្នាពេញទំហឹង គៀបមនុស្ស៣នាក់ជាប់ក្នុងរថយន្ត

រាជធានីភ្នំពេញ៖ កាលពីវេលាម៉ោង០៩ និង១០នាទីយប់ថ្ងៃទី១៤ ខែតុលា ឆ្នាំ២០១៨ មានករណីគ្រោះថ្នាក់ចរាចរណ៍មួយបង្កឡើងដោយរថយន្តតាកូម៉ាទៅបុករថយន្តកូរ៉េបណ្តាលអោយមនុស្សចំនួន៣នាក់រងរបួស និងគៀបជាប់នៅក្នុងកាបុីនរថយន្ត។ ហេតុការណ៍គ្រោះថ្នាក់នេះបានកើតឡើងនៅតាមបណ្តោយផ្លូវជាតិលេខ៣ ភូមិព្រៃកី សង្កាត់ភ្លើងឆេះរទេះ ខណ្ឌពោធិសែនជ័យ រាជធានីភ្នំពេញ។ ក្រោយកើតហេតុក្រុមសង្គ្រោះ៧១១ នៃកងពលតូចលេខ៧០ បានចេញជួយសង្គ្រោះបឋម គាស់និងកាត់ដែកយកជនរងគ្រោះទាំង៣នាក់ រួចដឹកយកទៅកាន់មន្ទីរពេទ្យព្រះកុសុម:៕