ខ្សែបម្រើស្លាប Angel Di Maria បានបង្ហើបឲ្យដឹងថា៖ រូបគេអាចនឹងត្រលប់ទៅកាន់លីគកំពូល Premier League នៅក្នុងរដូវកាលក្រោយ បន្ទាប់ពីខ្សែបម្រើស្លាបរបស់ក្លឹបអ្នកមានបារាំង PSG រូបនេះចាកចេញពីលីគកំពូល Premier League កាលពីឆ្នាំ 2015 កន្លងទៅ។

ខ្សែបម្រើស្លាបសញ្ជាតិអាហ្សង់ទីនរូបនេះបានត្រៀមខ្លួនរួចជាស្រេចក្នុងការចាកចេញពីលីគកំពូលបារាំងត្រលប់ទៅកាន់លីគកំពូលអង់គ្លេស Premier League វិញ បន្ទាប់ពីកុងត្រារបស់ខ្សែបម្រើស្លាបរូបនេះខិតជិតដល់ការបញ្ចប់កុងត្រាជាមួយនឹង PSG។ បច្ចុប្បន្ននេះកីឡាករ Angel Di Maria បានទាមទារប្រាក់ឈ្នួលពលកម្មពីក្លឹបអង់គ្លេសណាដែលចង់បានរូបនេះក្នុងតម្លៃ 200,000ផោន ក្នុងមួយសប្ដាហ៍ ហើយប្រសិនបើរូបគេទទួលបានប្រាក់ឈ្នួលពលកម្មដូចអ្វីដែលគេទាមទារនោះ គឺវាស្ថិតនៅក្នុងជម្រើសដ៏ល្អមួយក្នុងការត្រលប់ទៅកាន់លីគកំពូល Premier League វិញនៅក្នុងរដូវកាលក្រោយនេះ។

បុត្រ

ប្រភព៖ Mirror