ចិត្តធម៌មែន! ហេតុតែមិនចង់ឲ្យមានការបរបាញ់សត្វព្រៃ និងការកាប់បំផ្លាញព្រៃឈើ ឯកឧត្តម ម៉ុង ឬទ្ធី សុខចិត្តចំណាយថវិការផ្ទាល់ខ្លួនយកមកធ្វើបែបនេះ
ដើម្បីការពារមិនឲ្យមានការបរបាញ់សត្វព្រៃ និងការកាប់បំផ្លាញព្រៃឈើ ឯកឧត្តម ម៉ុង ឬទ្ធី ដែលត្រូវបានមហាជនជាច្រើនបានស្គាល់ថា ជាឯកឧត្តមចិត្តធម៌ តែងជួយសង្គ្រោះជនក្រីក្រ បានសុខចិត្តចំណាយថវិការទិញម៉ូតូចំនួន០៨គ្រឿង ដើម្បីចែកចាយដល់បុគ្គលិកទុកជិះយាមកាមនៅតំបន់អភិវឌ្ឍន៍របស់ឯកឧត្តម។
ឯកឧត្តម ម៉ុង ឬទ្ធី បានឲ្យដឹងនៅលើបណ្តាញសង្គមហ្វេសប៊ុករបស់ខ្លួនថា “ចាប់ពីវេលាម៉ោង៥ និង៣០នាទីរហូតដល់ម៉ោង៩ព្រឹកថ្ងៃអាទិត្យទី២១ ខែតុលា ឆ្នាំ២០១៨ក្រោយពីដើលំហាត់ប្រាណរួចហើយ ដោយមើលឃើញការលំបាកក្នុងពេលបំពេញការងារយាមកាម កុំអោយមានការទាក់សត្វ បរបាញ់សត្វព្រៃ និងកាប់បំផ្លាញព្រៃឈើ រូបខ្ញុំនិងភរិយាបានទិញម៉ូតូថ្មីចំនួន៨គ្រឿងយកមកចែកជូន អោយដល់បុគ្គលិក កម្មករ ដែលជាអតីតប្រជាជនរស់នៅជុំវិញតំបន់អភិវឌ្ឍន៍ម៉ុង ឫទ្ធីសែនជ័យ ដើម្បីជួយចូលរួមចំណែកថែរក្សាការពារសត្វព្រៃ និងព្រៃឈើជាមួយ រាជរដ្ឋាភិបាល និងមួយផ្នែកទៀតដាំបន្លែបង្ការសម្រាប់ផ្គត់ផ្គង់ជីវភាពផងដែរ”។
