អ្នកជំនាញថាការធ្លាក់យន្តហោះរបស់ក្រុមហ៊ុន Lion Air គឺបណ្តាលមកពីការផ្ទុះគ្រាប់បែក

ហ្សាកាតា៖ ជើងហោះហើរ JT-610 របស់ក្រុមហ៊ុន Lion Air បានហោះទៅកាន់កោះ Pangkal Pinang ដែលជាកោះមួយនៅភាគខាងជើងនៃរដ្ឋធានីហ្សាកាតា ហើយបានបាត់ការទាក់ទងជាមួយការគ្រប់គ្រងនៅវេលាម៉ោង​​ ៦និង៣៣ នាទីព្រឹក (ម៉ោងក្នុងស្រុក) ១៣នាទីក្រោយការហោះហើរ និងបានបណ្តាលឱ្យមនុស្ស១៨៩នាក់នៅលើយន្តហោះនោះមិនសង្ឃឹមថារស់រានមានជីវិតឡើយ។

លោកប្រធានក្រុមលោក John Nance បាននិយាយថា  មិនមានបញ្ហាអ្វីនៅលើយន្ដហោះឬម៉ាស៊ីនផ្សេងៗ ដែលជាហេតុធ្វើឱ្យធ្លាក់យន្តហោះនោះទេ ដូច្នេះក្រុមអ្នកវិភាគកំពុងគិតថាវាអាចទាក់ទងជាមួយនឹងការផ្ទុះគ្រាប់បែក។ លោកបានបន្តថា វាអាជាកំហុសបច្ចេកទេសរបស់អ្នកបើកយន្តហោះ, ករណីសម្លាប់ ឬធ្វើអត្តឃាត ដែលជាមូលហេតុក្នុងគ្រោះថ្នាក់នេះ។

មន្ដ្រីម្នាក់បាននិយាយថា មុនពេលគ្រោះថ្នាក់នោះអ្នកបើកបរយន្តហោះសញ្ជាតិឥណ្ឌាលោក Bhavye Suneja បានរាយការណ៍ថាមាន “បញ្ហាបច្ចេកទេស” ហើយបានធ្វើការស្នើរត្រលប់ទៅកាន់ព្រលានយន្តហោះវិញ។ ក្រុមត្រួតពិនិត្យចរាចរបានអនុញ្ញាតឱ្យយន្តហោះត្រឡប់មកវិញ ប៉ុន្តែយន្តហោះក្រោយមកក៏បានបាត់ពីរ៉ាដា និងបានធ្លាក់ចុះ ៥.០០០ ហ្វីតទៅក្នុងសមុទ្រតែម្តង។

យោងតាមលោក Soerjanto Tjahjono ប្រធានគណៈកម្មាធិការសុវត្ថិភាពចរាចរណ៍របស់ឥណ្ឌូណេស៊ីបានប្រាប់ក្រុមអ្នកយកព័ត៌មានថា៖ វាជាការពិតដែល RTB (ត្រលប់ទៅមូលដ្ឋាន) ត្រូវបានយន្តហោះស្នើសុំមក ប៉ុន្តែយើងនៅតែព្យាយាមរកឱ្យឃើញនូវមូលហេតុពិតរបស់វា។ ពួកយើងក៏សង្ឃឹមថាប្រអប់ខ្មៅ (Black box) នឹងនៅមិនឆ្ងាយពីកន្លែងកើតហេតុ និងអាចរកវាឃើញក្នុងពេលឆាប់ៗនេះ។

នៅលើយន្តហោះនោះត្រូវបានគេឱ្យដឹងថាមានមនុស្សពេញវ័យចំនួន ១៧៨នាក់ កូនក្មេងម្នាក់ ទារកពីរនាក់ អ្នកបើកបរពីរនាក់ និងអ្នកបម្រើ ៥នាក់ មន្ត្រីមកពីក្រសួងហិរញ្ញវត្ថុឥណ្ឌូណេស៊ី ២០នាក់ និង ២៣នាក់ជាមន្ត្រីរដ្ឋាភិបាល។

យ៉ាងណាមិញជាសំណាងសម្រាប់ជនជាតិអ៊ីតាលីម្នាក់គឺលោក Sony Setiawa ដែលនៅមានជីវិតរស់ បន្ទាប់ពីលោកបានកកស្ទះចរាចរណ៍យឺតការហោះហើរ គាត់ក៏ស្ថិតនៅក្នុងចំណោមមនុស្ស ១៨៩ នាក់ដែលជិះយន្តហោះ Lion Air JT 610 នេះដែរ៕

អត្ថបទ៖ លីដា
ប្រភព៖ dailymail