ស្ត្រីកម្ពុជាម្នាក់ត្រូវបានមិត្តប្រុសសម្លាប់យ៉ាងសាហាវនៅសហរដ្ឋអាមេរិក

 អាមេរិក៖ ជនសង្ស័យម្នាក់ត្រូវបានចាប់ខ្លួន ខណៈដែល​រូបគេកំពុងព្យាយាមភៀសខ្លួនចេញពីប្រទេស ក្រោយពីបានសម្លាប់ស្ត្រីជាមិត្តស្រីរបស់ខ្លួន ដែលជាជនជាតិកម្ពុជា។ ជនសង្ស័យត្រូវបានគេស្គាល់ឈ្មោះថា Amer Alhasan អាយុ ២៨ឆ្នាំ រស់នៅតំបន់ La Habra បានកំពុងតែលួចរត់គេចទៅ​ Jordan​ កាត់តាមប្រទេសប្រទេសអាល្លឺម៉ង់ ប៉ុន្តែត្រូវបានប៉ូលិសចាប់ខ្លួនភ្លាមៗនៅអាកាសយានដ្ឋានអន្តរជាតិ Los Angeles តែម្តង។

មុនពេលឈានទៅដល់ការចាប់ខ្លួនជនសង្ស័យ Amer Alhasan​ ត្រូវបានគេផ្តល់ការសង្ស័យ ដោយសាររូបគេមានលុយដ៏ច្រើនលើសលប់ជាប់តាមខ្លួន។ យ៉ាងណាមិញប៉ូលិសបាននិយាយថា​ បើយើងហ៊ានតែយឺតប្រហែលបីម៉ោងទៀត គាត់នឹងចាកចេញពីប្រទេសជាស្ថាពរ។ ក្រុមអ្នកស៊ើបអង្កេតបាននិយាយថា Amer Alhasan​ ធ្លាប់មានទំនាក់ទំនងជាមួយស្ត្រីរងគ្រោះឈ្មោះ Tiyanie Sopheap Ly ជាជនជាតិកម្ពុជា មុនពេលដែលនាងបានស្លាប់។ ជនរងគ្រោះ Tiyanie Sopheap Ly ដែលជាម្តាយនៃកូន ៣នាក់​ មានអាយុ ៣៨ឆ្នាំ ដែលរស់នៅក្នុងទីក្រុង​ Santa Ana ត្រូវបានរកឃើញសាកសពដំបូងដោយបុរសរើសសំរាមម្នាក់នាព្រឹកព្រលឹមថ្ងៃអង្គារនៅក្នុងផ្លូវមួយស្ថិតនៅប្លុកលេខ ២១០០ នៃ South Balboa Plaza ។

ប៉ូលិសបានបន្ថែមថាជនសង្ស័យ Amer Alhasan​ នេះត្រូវបានគេចោទប្រកាន់ពីបទរំលោភបំពានលើអតីតសង្សារម្នាក់ និងធ្លាប់មានប្រវត្តិប្រើអំពើហិង្សាក្នុងគ្រួសារផ្សេងៗទៀតដែលឈានមកដល់ការចាប់ខ្លួន និងផ្តល់ការសង្ស័យលើបុគ្គលនេះ។ ចំណែកស្ត្រីរងគ្រោះត្រូវបានគេឃើញចុងក្រោយកាលពីថ្ងៃចន្ទ និងបានបាត់ខ្លួននៅថ្ងៃអង្គារ៍ដែលធ្វើឲ្យក្រុមគ្រួសារមានការព្រួយបារម្មណ៍ ព្រោះស្ត្រីរងគ្រោះមិនដេលភ្លេចនឹងទៅទទួលកូនៗ​របស់គាត់ពីសាលានោះទេ។ ក្នុងរឿងនេះដែរប៉ូលិសបានព្យាយាមទាក់ទងអតិតសង្សារជនសង្ស័យទាំងអស់ដើម្បីសាកសួរចម្លើយ និងអ្នកផ្សេងទៀតដែលធ្លាប់ស្គាល់ពីទំនាក់ទំនងគេទាំងពីរ។

អត្ថបទ៖ លីដា
ប្រភព៖ ktla