គ្រាន់តែ២ថ្ងៃ សមត្ថកិច្ចបង្ក្រាបគ្រឿងញៀនជនជាតិចិនបានមិនចេះតិចនាក់
ខេត្តព្រះសីហនុ-ជនសង្សយ័ជនជាតិចិន៧នាក់ ប្រព្រឹត្ដបទល្មើសគ្រឿងញៀនផ្សេងៗគ្នា ត្រូវបាននគរបាលខេត្តព្រះសីហនុ បង្រ្កាបបានជាបន្តបន្ទាប់។លោកឧត្តមសេនីយ៍ត្រី ស៊ុន សុផាត ស្នងការរងទទួលផែន ប្រឆាំងបទល្មើស បានឲ្យដឹងថាៈ ថ្ងៃទី១ និង ទី២ ខែវិច្ឆិកា ឆ្នាំ២០១៨ កន្លងទៅនេះ នគរបាលប្រឆាំងគ្រឿងញៀន ខេត្តព្រះសីហនុ សហការជាមួយកម្លាំងអធិការដ្ឋាននគរបាលក្រុងព្រះសីហនុ បង្រ្កាបបទល្មើសគ្រឿងញៀន បានចំនួន៦ករណី ឃាត់ខ្លួនជនសង្ស័យ ចំនួន៧នាក់ សុទ្ធតែ ជាជនជាតិចិន និងដកហូតបានថ្នាំញៀនជាច្រើនកញ្ចប់៖
+ ករណីទី១,នៅវេលាម៉ោង៣ជិតភ្លឺ ថ្ងៃទី១ខែវិច្ឆិកាឆ្នាំ២០១៨ ចាប់ខ្លួនជនជាតិចិនម្នាក់ នៅមុខផ្សារលេីក្រុងព្រះសីហនុ ឈ្មោះ Wu Yin Chang អាយុ៣០ឆ្នាំ មុខរបរ ចុងភៅ ដកហូតបាន ថ្នាំញៀនចំនួន៣ កញ្ចប់។
+ ករណីទី២,ថ្ងៃទី១ ខែវិច្ឆិកាឆ្នាំ២០១៨ វេលាម៉ោង៤:១០ នាទី ស្ថិតនៅ ភូមិ៤ សង្កាត់លេខ៤ ម្តុំតោ២ ចាប់ខ្លួនជនសង្ស័យម្នាក់ឈ្មោះ Fan Yong ជនជាតិចិន អាយុ៣០ឆ្នាំ មុខរបរមិនពិតប្រាកដ ដកហូតបានថ្នាំញៀនចំនួន ២ កញ្ចប់ ជញ្ចីងថ្លឹងថ្នាំ ១ និង ទូស័ព្ទ ២គ្រឿង។
+ ករណីទី៣,ថ្ងៃទី១ ខែវិច្ឆិកាឆ្នាំ២០១៨ ម៉ោង១៩ និង១៥ នាទីស្ថិតនៅ ក្រុម២ ភូមិ៤ សង្កាត់លេខ៤ ក្រុងព្រះសីហនុ ឃាត់ខ្លួនជនសង្ស័យបានចំនួន២នាក់ ទី១ឈ្មោះ Li QUi Zhi ជនជាតិ ចិន អាយុ២៦ឆ្នាំ មុខរបរមិនពិតប្រាកដ ដកហូតបានថ្នាំញៀន៩កញ្ចប់ និង ថ្នាំគ្រាប់ WY ១ កញ្ចប់ (៥គ្រាប់) ទូរស័ព្ទ ១គ្រឿង, ទី២ឈ្មោះ Xia zhuo ជនជាតិចិន អាយុ២០ឆ្នាំ មុខរបរមិនពិតប្រាកដ ចាប់បានថ្នាំញៀន ២ កញ្ចប់តូច ទូរស័ព្ទ ២គ្រឿង និងរថយន្ត ១គ្រឿង។
+ ករណីទី៤,ថ្ងៃទី១ ខែវិច្ឆិកាឆ្នាំ២០១៨ ម៉ោង ១៩: ៥៥ នាទីស្ថិតនៅ ក្រុម៩ ភូមិ១ សង្កាត់លេខ៣ក្រុងព្រះសីហនុ ឃាត់ខ្លួន ជនសង្ស័យម្នាក់ទៀត ឈ្មោះ Aa Dong ជនជាតិចិន អាយុ២៨ ឆ្នាំ មុខរបរ មិនពិតប្រាកដ ចាប់យកបានថ្នាំញៀន ១ កញ្ចប់តូច និង ថ្នាំគ្រាប់ WY ១ គ្រាប់ ។
+ ករណីទី៥, ថ្ងៃទី១ ខែវិច្ឆិកាឆ្នាំ២០១៨ ម៉ោង ២១: ៣៥នាទីស្ថិតនៅ ក្រុម៩ ភូមិ១ សង្កាត់លេខ៣ ឃាត់ខ្លួនជនសង្ស័យម្នាក់
ឈ្មោះ Lei Lin ជនជាតិចិន អាយុ៣០ឆ្នាំ មុខរបរមិនពិតប្រាកដដកហូតបានថ្នាំញៀន ២ កញ្ចប់ ។
+ ករណីទី៦,ថ្ងៃទី ២ខែវិច្ឆិកាឆ្នាំ២០១៨ វេលាម៉ោង១និង២០នាទី ស្ថិតនៅ ក្រុម១២ ភូមិ២ សង្កាត់លេខ២ ឃាត់ខ្លួនជនសង្ស័យម្នាក់ ឈ្មោះ Yiang Lin Fei ជនជាតិចិន អាយុ២៨ ឆ្នាំ មុខរបរ មិនពិតប្រាកដ ចាប់យកបានថ្នាំញៀន ៦ កញ្ចប់។
ជនជាតិចិនប្រព្រឹត្តិបទល្មើសគ្រឿងញៀន ទាំង៧នាក់ សមត្ថកិច្ចជំនាញបាន កសាងសំណុំរឿង តាមនីតិវិធី បញ្ជូន ទៅ សាលាដំបូងខេត្ត ដើម្បីចាត់ការ តាមច្បាប់៕
