សូមប្រយ័ត្ន! ភ្លៀងអាចនឹងធ្លាក់ជាប់គ្នា៣ថ្ងៃនៅភ្នំពេញ និងបណ្តាខេត្តទាំងនេះចាប់ពីខានស្អែកទៅ

យោងតាមការព្យាករណ៍របស់ក្រសួងធនធានទឹក និងឧតុនិយមបានឲ្យដឹងថា ជ្រលងសម្ពាធខ្ពស់ខ្សោយ បាន និងកំពុងបន្តគ្របដណ្តប់លើជ្រោយឥណ្ឌូចិន ហើយជ្រលងសម្ពាធទាបក៏បាន និងកំពុងគ្របដណ្តប់លើភាគខាងត្បូងប្រទេសកម្ពុជាផងដែរ។ ចំណែកនៅសមុទ្រចិនខាងត្បូង មានកើតឡើងនូវសម្ពាធទាបមួយ ដែលនឹងធ្វើដំណើរមកកាន់ប្រទេសវៀតណាមភាគខាងត្បូង ហើយវានឹងធ្វើឲ្យអាកាសធាតុនៅព្រះរាជាណាចក្រកម្ពុជា ចាប់ពីថ្ងៃទី១៧-១៩ ខែវិច្ឆិកា មានភ្លៀងធ្លាក់រាយប៉ាយ ក្នុងកម្រិតពីមធ្យមទៅបង្គួរ នៅតាមបណ្តារាជធានី-ខេត្តមួយចំនួនដូចជា៖ រាជធានីភ្នំពេញ ខេត្តត្បូងឃ្មុំ កំពង់ចាម ព្រៃវែង ស្វាយរៀង កណ្តាល កំពង់ស្ពឺ តាកែវ និងបណ្តាលខេត្តនៅតំបន់មាត់សមុទ្រ៕

អត្ថបទ៖ សេម