រដ្ឋមន្ត្រីការបរទេសអាមេរិក លោក Antony Blinken និងរដ្ឋមន្ត្រីការពារជាតិអាមេរិក លោក Lloyd Austin ត្រូវបានគេរាយការណ៍ថា បានជួបពិភាក្សាការងារជាមួយប្រធានាធិបតីអ៊ុយក្រែន លោក Volodymyr Zelenskyy នៅក្នុងទីក្រុងកៀវ។ ទីប្រឹក្សារបស់លោក លោក Volodymyr Zelenskyy គឺលោក Oleksiy Arestovych បាននិយាយនៅក្នុងបទសម្ភាសន៍មួយនៅលើទូរទស្សន៍អ៊ុយក្រែន កាលពីល្ងាចថ្ងៃអាទិត្យថា កិច្ចពិភាក្សាកំពុងដំណើរការនៅពេលនេះ។

វា​ជា​ដំណើរ​ទស្សនកិច្ច​លើក​ដំបូង​របស់​ពួក​គេ​ទៅ​កាន់​រដ្ឋធានីរបស់ប្រទេស​អ៊ុយក្រែន ចាប់​តាំង​ពី​ការ​ឈ្លាន​ពាន​របស់​រុស្ស៊ី​មក​លើ​ប្រទេស​នេះ​ ដែលបានបាន​ចាប់​ផ្តើម​កាលពី ២ ​ខែ​មុន។ នៅក្នុងសន្និសីទសារព័ត៌មានដែលធ្វើឡើងមុននេះ លោក Zelenskyy បាននិយាយថា លោកនឹងពិភាក្សាជាមួយលោក Blinken និងលោក Austin ក៏ដូចជាជំនួយយោធារបស់សហរដ្ឋអាមេរិកចំពោះអ៊ុយក្រែន និងបញ្ហាផ្សេងៗទៀត៕

អត្ថបទ៖ លីដា
ប្រភព៖ NHK