ច្រលំលេបស្ករកៅស៊ូចូលទៅក្នុងពោះ តើបង្កគ្រោះថ្នាក់ រឺស្អិតពោះវៀនដូចពាក្យគេថាដែររឺទេ?

កាលពីនៅក្មេងៗកុមារភាព យើងប្រាកដជាធ្លាប់លឺចាស់ៗប្រាប់យើងហើយមែនទេថា «ហាមលេបស្ករកៅស៊ូចូលទៅ បើពុំដូច្នោះទេវានឹងទៅទាក់ជាមួយនឹងពោះវៀនជាមិនខាន ហើយថែមទាំងអាចបង្កគ្រោះថា្នក់បាន»។ ថ្ងៃនេះដែរយោងតាម ប្រភពព័ត៍មានរបស់ Sanook គឺបានបដិសេធការលើកឡើងនេះ ព្រមទាំងឆ្លើយថាមិនពិតនោះទេ ព្រោះគ្រឿងផ្សំនៃស្ករកៅស៊ូដែលមានដូចជា «ភាពយឺតដែលបានមកពីសារធាតុ Polyurethane ចំណែកជាតិផ្អែមបានមកពីសារធាតុ Xylitol និង Sorbitol មានការថែមក្លិន Flavoring agents និងសារធាតុរក្សាទុកបានយូរ Preservatives ជាដើម»។

ដូច្នេះហើយប្រសិនបើបងប្អូនភ្លេចខ្លួនលេបស្ករកៅស៊ូចូលទៅកុំទាន់ភ្ញាក់ផ្អើល រឺភ័យឡើយ ព្រោះការលេបស្ករកៅស៊ូប្រៀបដូចជាការលេបអាហារធម្មតាតែប៉ុណ្ណោះ។ បើទោះជាសារធាតុ Polyurethane មិនអាចរំលាយក្នុងរាងកាយបានក៏វាអាចរំកិលចេញតាមពោះវៀនធំចេញជាលាមកនោះឯង។ ប៉ុន្តែទាំងមនុស្សពេញវ័យ និងក្មេង  មិនគួរលេបស្ករកៅស៊ូចូលទៅទេព្រោះវាអាចបង្កអោយស្ទះបំពង់ខ្យល់ រឺ ឆ្លាក់ដែលអាចប៉ះពាល់ដល់អាយុជីវិតបាន៕

អត្ថបទ៖Bee
រភព៖ sanook