យោងតាមការចុះផ្សាយរបស់ Insider បានរាយការណ៍ថា អតីតតារាសម្ដែងនៅក្នុងកម្មវិធី «Toddlers and Tiaras» គឺនាង Kailia Posey បានទទួលមរណភាព ក្នុងវ័យ ១៦ឆ្នាំ ដោយការធ្វើអត្តឃាត។ ម្តាយរបស់នាង Posey គឺអ្នកស្រី Marcy Posey Gatterman បានបញ្ជាក់ពីការស្លាប់របស់នាងកាលពីថ្ងៃចន្ទ ប៉ុន្តែនៅ​ពេល​នោះ ក្រុម​គ្រួសារ​មិន​បាន​ប្រាប់​ពី​មូល​ហេតុ​នៃ​ការ​ស្លាប់​របស់​នាង Posey នោះទេ ហើយបាន​សុំ​រក្សាឯកជនភាពរបស់ពួកគេ។ លុះនៅថ្ងៃបន្ទាប់ ក្រុមគ្រួសាររបស់នាហង Posey បានប្រាប់ TMZ ថា Posey បានស្លាប់ដោយការធ្វើអត្តឃាត។

នាង Posey ត្រូវបានគេស្គាល់ជាទូទៅ សម្រាប់ការបង្ហាញខ្លួនរបស់នាងនៅក្នុងកម្មវិធីរបស់ប៉ុស្ដិ៍ TLC គឺ «Toddlers and Tiaras» ដែលបានដំណើរការពីឆ្នាំ២០០៩ ដល់ឆ្នាំ២០១៣។ នៅពេលអាយុ ៥ឆ្នាំ នាង Posey ក៏បានបង្ហាញខ្លួននៅក្នុងរឿងនៅឆ្នាំ២០១២ ដែលមានចំណងជើងថា «California Tropic Arizona» ផងដែរ។ ក្នុងរយៈពេលមួយទស្សវត្សរ៍ចាប់តាំងពីរឿងភាគនេះបានចាក់ផ្សាយមក កុមារី Posey ត្រូវបានគេទទួលស្គាល់ពេញអ៉ីនធឺណិត ជាមួយនឹងរូបភាព GIF ផ្សេងៗ និងរូបភាពញញឹមរបស់នាង៕

អត្ថបទ៖ លីដា
ប្រភព៖ Insider